carreiros

asemblea anual

2012-01-31T20:46:00.000+01:00

CONVOCATORIA DE XUNTA XERAL ANUAL

A Asociación Cultural A Fervenza de Ouzande convoa aos seus socios e socias á Xunta Xeral Anual, que terá lugar o domingo 5 de febreiro ás 5:30 da tarde no local social do campo da festa de Ouzande.

A orde do día será a seguinte:
1. Informe de xestión do ano 2011
-Informe de actividades(con proxección de fotografías e videos)
-Informe económico.
2. Elección de Xunta Directiva.
3. Previsión de ingresos e gastos para o ano 2012.
4. Programación anual.
5. Rogos e preguntas.

Ao rematar a reunión a asociación convida á merenda con chocolate quente e biscoito.

En Ouzande, A Estrada, febreiro de 2012.

findeano 2011

2012-01-31T20:36:00.000+01:00

Aquí quedan as mellores imaxes da festa de fin de ano 2011

feliz 2012

2011-12-31T21:37:00.000+01:00

Todo preparado

fin de ano 2011

2011-12-31T11:52:00.002+01:00

FIN DE ANO 2011

fotos ruta de nadal 2011

2011-12-31T11:50:00.000+01:00

aí quedan as fotos da ruta ao castro de arcos, o día 25 de decembro de 2011

II Ruta de Nadal

2011-12-23T22:06:00.000+01:00

Atréveste outra vez?

A Fervenza de Ouzande no MOME

2011-12-23T22:04:00.001+01:00

O 17 de decembro de 2011 presentamos o documental ANDAR CARREIROS. DEZ ANOS DE FERVENZA DE OUZANDE no MOME da Estrada. Abrimos tamén unha exposición sobre os dez anos da Asociación que se pechou o día 22. Aí quedan as fotos

a fervenza de ouzande no mome

2011-12-14T12:28:00.000+01:00

Despois da súa estrea no local social de Ouzande, o pasado 27 de novembro no que estivo presente a madriña da asociación, Paula Carballeira, a AC A Fervenza de Ouzande presenta na vila da Estrada o documental ANDAR CARREIROS. DEZ ANOS DA FERVENZA DE OUZANDE.O acto terá lugar o próximo sábado 17 de decembro a partir das 20:00 horas no MOME (Museo do Moble da Madeira da Estrada, á beira de Protección Civil). Esta actividade dará inicio a unha semana da Fervenza de Ouzande no MOME, na que teremos instalada a exposición “Dez anos a andar carreiros” que resume a traxectoria da asociación, realizada con paneis, carteis das actividades, proxeccións e a revista Carreiros, así como outros materiais editados pola entidade. A mostra poderá ser visitada desde o propio sábado 17 pola mañá.O horario de visitas á exposición será:Do sábado 17 de decembro ao xoves 22 de decembroMañás: De 11:00 a 13:30Tardes: De 17:30 a 20:30O DVD co documental xa se pode adquirir na Taberna de Ouzande ou na Libraría Alberte Quiñoi da Estrada

fotos curso de poda 2011

2011-12-14T11:54:00.000+01:00

Aí quedan as mellores imaxes do curso de poda organizado pola asociación. A fase teórica tivo lugar os días 26 de novembro e tres de decembro. A práctica realizámola, na finca da Casa do Cereiro, os días 4 e 10 de decembro de 2011. E para rematar como é debido, merenda e tertulia no local o día 10.

estrea documental ANDAR CARREIROS. DEZ ANOS DA FERVENZA DE OUZANDE

2011-12-11T22:27:00.001+01:00

Aí quedan as fotos dun día inesquecible. O 27 de novembro de 2011 presentamos o documental que resume os dez primeiros anos da nosa historia. O local abarrotado. Moitas emocións e aplausos. E Paula Carballeira aceptou ser a nosa madriña.

presentación andar carreiros

2011-11-22T12:32:00.001+01:00

O próximo 27 de novembro de 2011 a AC A Fervenza de Ouzande vai celebrar o acto central dos dez anos da súa historia desde a súa fundación no ano 2001.O acto consistirá na estrea do documental ANDAR CARREIROS. DEZ ANOS DE FERVENZA DE OUZANDE. Así mesmo, contaremos coa participación da actriz, escritora e contacontos Paula Carballeira que será a madriña do evento.A actividade dará comezo ás 18:00 horas e terá lugar no local social de Ouzande, sito no Campo da Festa. Ao rematar a proxección, todas as persoas asistentes poderán compartir unha merenda á que convida a Asociación.Este acto, aínda que é aberto ao público en xeral, está pensado especialmente para os socios e socias da Fervenza de Ouzande, así como para os veciños e veciñas da parroquia.

De feito, o próximo 16 de decembro realizarase unha presentación e proxección do documental no Museo do Moble da Estrada (MOME) á que se covidará a todo o tecido asociativo, institucións e público en xeral.

comezo curso de poda

2011-11-22T12:27:00.001+01:00

O próximo sábado, día 27 de novembro comeza o curso de poda. Seguirá os días 3 e dez de decembro.

fotos festadoutono 2011

2011-11-22T12:26:00.001+01:00

Castañas, viño, chourizo, festa, fútbol, de todo..., o pasado 12 de novembro

inicio clases 2011-2012

2011-11-22T12:19:00.001+01:00

Este ano con novidades. Temos clases de acordeón!!

fervenza de músicas, fotos

2011-11-22T12:08:00.001+01:00

Moita festa e animación hna IV Fervenza de Músicas o pasado 9 de setembro

unha noite no muiño 2011, fotos

2011-11-22T12:05:00.001+01:00

Fomos pasar outra noite no muiño inolvidable o pasado 27 de agosto

Mago José Rivera, fotos

2011-11-22T12:03:00.001+01:00

Nas festas de Ouzande, maxia no local a cargo do Mago José Rivera

as trincadeiras 2011

2011-11-22T12:01:00.001+01:00

Sesión dupla de cine. O Espírito das Trincadeiras de Seném Outeiro o 25 de xuño en Ouzande

Lumeiro 2011, fotos

2011-11-22T11:58:00.001+01:00

Fotos da festa do lumeiro deste ano

excursión noia-muros-ézaro, fotos

2011-11-21T19:17:00.001+01:00

O 29 de maio fomos á Ría de Muros e Noia

concerto dez x dez, fotos

2011-11-21T18:37:00.001+01:00

Aí quedan as fotos de Narf e The Homens celebrado o 10 de xuño, para comezar a celebrar os 10 anos...

festa de outono 2011

2011-11-09T16:07:00.001+01:00

Sábado 12 de novembro.A partir das 7 da tarde no Campo da Festa de Ouzande.Celebramos a festa das castañas asadas en Ouzande. Haberá castañas e viño novo, de balde para todos os asistentes. Tamén teremos un servizo de bar con chourizos asados a prezo módico para completar a festa. Non faltará a música cos compoñentes de Retrouso. Convidamos a todos a traer os seus instrumentos para participar da festa.NO TRANSCURSO DA FESTA PROXECTAREMOS NO LOCAL AS IMAXES DO TORNEO DE FÚTBOL TRIANGULAR MIXTO CELEBRADO NA FESTA DO SOCORRO DO PASADO SENTEMBRO

curso de poda

2011-11-02T17:49:00.002+01:00

Vai chegando o tempo da poda e dende a Asociación ofrecémosche a posibilidade de adquirir coñecementos básicos para faceres este labor como é debido.O noso veciño, José Loureiro, impartirá un curso no Local do campo da festa que incluirá unha fase teórica (tratamentos, abonos, poda, enxertos...) e unha fase práctica de poda.Os contidos e datas do curso presentaránse nunha reunión informativa este sábado día 5 de novembro ás 7 da tarde no Local de Ouzande. Se estás interesado/a convidámoste a participar nesta reunión, na que te poderás inscribir para o curso, que comezará o sábado 26 de novembro.

VI Ruta das letras, fotos

2011-10-08T21:37:00.000+02:00

Fotos atrasadas...
O 17 de maio fomos andar, falar e ler.

horarios das clases de música. bailas? 2011-12

2011-10-06T10:41:00.001+02:00

Os horarios definitivos serán:
Sabados pola mañá
11:00 ACORDEÓN
12:00 PERCUSIÓN E GAITA

Sábados pola tarde
16:00 PANDEIRETA PERFECCIONAMENTO
17:00 BAILE
18:00 PANDEIRETA INICIACIÓN

As persoas interesadas nalgún dos cursos poden achegarse ao local social de Ouzande no horario arriba indicado. As clases comezarán o próximo sábado 8 de outubro. Hai algunhas prazas libres.

bailas? cursos de música 2011-2012

2011-09-26T17:03:00.000+02:00

CURSOS DE MÚSICA E BAILE TRADICIONAL ACORDEÓN, GAITA, BAILE, PANDEIRETA E TAMBORILAC A FERVENZA DE OUZANDE Dan comezo as clases deste novo curso. A Asociación convoca a todas as persoas interesadas a unha reunión que terá lugar o próximo sábado 1 de outubro no local do campo da festa ás 16:30 da tarde.Novidade importante: Este ano teremos clases de ACORDEÓN, ademais das clases de GAITA, PERCUSIÓN, BAILE E PANDEIRETA. Na reunión informarase dos prezos e demais detalles das clases e tamén se fixarán os horarios de PANDEIRETA, BAILE que terán lugar os sábados pola tarde, e das clases de ACORDEÓN, GAITA E TAMBORIL, que se celebrarán os sábados pola mañá. Tamén convidamos ás persoas participantes nas diferentes clases e a todas as interesadas a traeren os seus instrumentos para interpretaren algunha peza e facer algo de festa. Para rematar a reunión a Asociación convida a uns pinchos de merenda.

IV FERVENZA DE MÚSICAS

2011-09-06T16:45:00.004+02:00

A partir das 21:30 da noite do 9 de setembro de 2011 no Campo da Festa de Ouzande, A Estrada.Compartiremos festa cos gruposRetrouso (Ouzande)Os Xeitosos de TrazoGharatuzas (Santiago)Reviravolta (O Pino)Faíscas da Pontraga (Tordoia)Haberá polbo e churrasco, servizo de bar, venda de camisolas do X aniversario da asociación, e toda a festa que queiras.Campo cuberto.

unha noite no muíño 2011

2011-08-25T15:55:00.002+02:00

Un ano máis imos pasar unha noite no muíño do Rubio, na Fervenza de Ouzande.
Este sábado, 27 de agosto, a partir das 10 da noite, velada de sorpresas e festa. Só tés que levar a cea nun cesto e unha lanterna para o camiño. Se queres, algún instrumento musical tamén. Tamén podes vir co traxe para a ocasión...

Unha noite no muíño,
unha noite non é nada...

maxia nas festas patronais de ouzande

2011-08-10T15:41:00.001+02:00

O próximo domingo 14 de agosto peche máxico para as festas de Ouzande. Actuación do mago ourensán José Rivera a partir das 19:30 no local social de Ouzande. Máis información sobre o ilusionista picando aquí.

E para comezar ditas festas, este venres 12, interesante velada de música tradicional con RETROUSO, REGATO DE MATAMULLERES E BERROS DO CASTRO. Polbo, churrasco e moita festa!

o espírito das trincadeiras, estrea en Ouzande

2011-06-23T13:13:00.000+02:00

O filme, escrito e dirixido por Seném Outeiro, narra a loita que no ano 1990 o pobo de Goián desenvolveu na defensa do monte comunal das Trincadeiras que pretendía ser expropiado pola empresa que construía a autopista Vigo-Porriño. O pobo de Goián opúxose e despois conquerir con moito esforzo a súa vitoria celebrou anualmente unha festa de exaltación das Trincadeiras coma movemento veciñal e coma posta en valor dos espazos comunais.

“A cinta é unha homenaxe á vontade coleitiva, unha historia cargada de emotividade e reflexión sobre a importancia da memoria histórica coma alicerce do ser social”
Seném Outeiro

A actividade terá lugar o próximo día 25 de xuño no Local Social de Ouzande.
Realizaranse dous pases, o primeiro ás 19:30 e o segundo ás 21:30. Contaremos coa presenza do autor do documental

actividades xuño 2011

2011-06-16T20:41:00.000+02:00

Aí está

músicas x (dez)

2011-06-06T22:54:00.000+02:00

VENRES 10 DE XUÑO DE 2011
CAMPO DA FESTA DE OUZANDE
OUZANDE, A ESTRADA
Concerto de NARF e THE HOMENS para celebrar o décimo aniversario da AC A Fervenza de OUzande.
Servizo de bar e bocatas.
Venda de camisolas conmemorativas.
DEZ X DEZ. Proxección das cen mellores imaxes de dez anos de actividades.
Boa música e diversión no Campo da Festa de Ouzande

VI Ruta das Letras

2011-05-15T23:32:00.000+02:00

VI RUTA DAS LETRAS
ANDAMOS E FALAMOS
O próximo martes 17 de maio, a AC A Fervenza de Ouzande continuará co seu programa de rutas a pé, IMOS ANDAR coa cuarta Ruta das Letras. Este ano percorreremos o Roteiro das Lagoas de Zoo, cuxas características detallamos máis abaixo. Convidamos a todos os estradenses especialmente a esta ruta, porque ademais do seu interese paisaxístico e ambiental, a asociación agasallará a todos e todas as participantes cun libro, para celebrar o Día das Letras Galegas. O libro será entregado ao final da ruta a todos e todas os participantes. Para esta iniciativa contamos coa inestimable colaboración da editora Biblos Clube de Lectores.

Hora de saída: 09:45, diante da igrexa de Ouzande. Chegada sobre as 13:30 ao mesmo sitio.

fotos ruta dos carreiros de ouzande 2011

2011-05-11T17:03:00.001+02:00

Aí quedan as imaxes da primeira ruta do ano polos carreiros de ouzande que fixemos o pasado domingo 8 de maio. Prepararse para a próxima, a VI Ruta das letras o 17

roteiro dos carreiros de ouzande 2011

2011-05-04T11:12:00.001+02:00

~~Sábado 1 de maio~~. DOMINGO 8 DE MAIO. Ruta dos carreiros de Ouzande. Percorreremos os diferentes carreiros polo monte e os diferentes lugares de Ouzande, incluíndo a Fervenza e os muíños. Hora de saída: 10 da mañá, diante da igrexa de Ouzande. Chegada sobre as 13:00

concerto BANDA BROA no local de Ouzande

2011-05-04T11:05:00.000+02:00

aí quedan unhas imaxes do magnífico concerto de Banda Broa o primeiro de maio do 2011 no local social de Ouzande

fotos do antroido 2011

2011-05-02T19:22:00.000+02:00

este ano celebramos o Antroido cantando as coplas dos cegos na Taberna e logo cunha gran festa no local noviño... Foi o 5 de marzo de 2011e as coplas...

imaxes da inauguración do novo local no palco vello

2011-05-02T19:15:00.000+02:00

o 26 de xaneiro de 2011 os veciños e veciñas de ouzande inauguramos o local novo no palco vello

fotos asemblea anual 2011

2011-05-02T19:08:00.000+02:00

despois dun tempiño de retraso aí van as fotos da xunta xeral anual da asociación que celebramos o 27 de xaneiro deste 2011

BANDA BROA o primeiro de maio de ouzande

2011-04-27T13:19:00.001+02:00

Un dos grupos máis alimenticios para o oído. Música con miolo.

Ingredientes:
-Base forneada de acordeón de Santiago (Marcos Varela, profesor de gaita nas clases da Fervenza de Ouzande)
-Moitos Qilos de percusión amiense (Xosé Tuñas)
-Unha cantidade xenerosa de bonito saxofón de Burela (Roberto Bouça)
-Unha dose perfecta de gaita da Estrada (Noe Bouzón, gaiteira ouzandesa)
-Varias culleradas de voz dóce de Touro (Madi Martínez)

Preparación:
Móese todo en calquera muíño dos nosos ríos, mestúrase nun quinteto inspirado na música tradicional con reminiscencias de banda de música pasando por orquesta de sesión vermú, cócese nun forno de leña de carballo e sírvese en quente.

DOMINGO 1 DE MAIO DE 2011
LOCAL SOCIAL DE OUZANDE
19:00 H
DE BALDE

2011-03-02T13:33:00.000+01:00

RAPACES E RAPAZAS DE OUZANDE!
NON QUEDEDES NA CASA NO ANTROIDO
E VIDE COS VOSOS DISFRACES
A PASALO BEN E DIVERTIRSE MOITO

Sábado 5 de marzo de 2011
A partir das 6 e media da tarde concentración de disfraces no Campo da Festa. Seguirá unha gran festa antroideira no campo da festa e no Local Social. Haberá merenda a base de produtos típicos de antroido moita música e festa. NON FALTARÁN Á SÚA CITA OS CEGOS DO ANTROIDO QUE RECITARÁN AS SÚAS COPLAS, NAS QUE NON ESQUECERÁN ÁS NOVAS MÁIS IMPORTANTES DA PARROQUIA E DO MUNDO MUNDIAL.

Este ano deixamos descansar o tractor e quedamos no campo da festa. Non faltes!!!!

A AC A Fervenza de Ouzande convida a todos os veciños e veciñas de Ouzande a celebrar o antroido na nosa parroquia.

local novo no palco vello

2011-02-25T08:54:00.000+01:00

Estás convidado
Estás convidada

xunta xeral anual 201

2011-02-23T21:31:00.000+01:00

fotos presentación malas cartas de manuel pereira

2011-01-06T14:49:00.000+01:00

Aí quedan as imaxes da presentación celebrada no MOME da Estrada, ao estar en obras o local de Ouzande, o pasado 4 de xaneiro de 2011

presentación: malas cartas, de Manuel Pereira

2010-12-31T19:06:00.000+01:00

Estás convidado/Estás convidada

fotos I ruta de nadal 2010

2010-12-27T19:27:00.001+01:00

aí quedan as imaxes dunha estupenda xornada, foi unha feliz ruta de nadal en Ouzande o 25 de decembro de 2010

e andamos isto (10,5 km) Cortesía de Carmela Sánchez Arines

I feliz ruta de nadal

2010-12-24T11:55:00.000+01:00

Atréveste?

video anuncio carreiros 9

2010-12-23T10:29:00.003+01:00

para que te animes a conseguir o carreiros 9, outro video anuncio. É para ti

imaxes presentación carreiros 9

2010-12-23T10:27:00.002+01:00

aí quedan as fotos da presentación de carreiros 9 o pasado 19 de decembro de 2010

presentación carreiros 9

2010-12-17T16:04:00.000+01:00

revista carreiros9

2010-12-10T12:29:00.009+01:00

na nosa canle de tv xa se pode ver este anuncio

fotos castañas a beilar 2010

2010-12-03T17:58:00.000+01:00

Aí quedan as fotos da festa das castañas do pasado 13 de novembro. A pesar do temporal, castañas e festa.

castañas a beilar

2010-11-10T13:35:00.000+01:00

Este sábado, 13 de novembro, castañas asadas e viño novo, de balde para todos e todas. Enredos con castañas, servizo de bar, chourizos asados e moita festa con Retrouso. Trae o teu instrumento para facer aínda máis festa.

imaxes da visita a Castrolandín

2010-10-11T13:30:00.000+02:00

Aí quedan unhas fotos da actividade que organizamos xunto coa Asociación Santa Apolonia de Guimarei. Unha estupenda visita e unha verdadeira lección de Historia de Galicia a que nos deu Mario, da Fundación Terra Termarum...

visita a Castrolandín

2010-10-04T12:30:00.001+02:00

A Fervenza de Ouzande, en colaboración coa AV Santa Apolonia de Guimarei, organizan unha visita ao Castro de Castrolandín e á Fundación Terra Termarum sita no casco urbano de Cuntis. As visitas estarán guiadas por persoal de dita fundación.
Os puntos de saída serán as Igrexas de Ouzande e Guimarei, ás dez horas da mañá do próximo domingo día 10 de Outubro. O regreso está previsto para as 13:00 horas. O desprazamento realizarase en vehículos particulares.
Máis información sobre o castro e a fundación aquí.

fotos do incicio das clases de música e baile 2010-2011

2010-10-03T22:24:00.000+02:00

Aí quedan unhas fotos e os horarios definitivos:

Todos os sábados:
Gaita: 12:15
Tamboril: 15:30
Pandeireta (perfeccionamento): 16:30
Baile: 17:30
Pandeireta: 18:30

As clases de pandeireta darán comezo o sábado 16 de outubro
As persoas interesadas nas clases de tamboril están convocadas a unha reunión o próximo sábado día 9 ás 16:30
As clases de gaita comezan o próximo sábado día 9

inicio das clases de música e baile en ouzande 2010-2011

2010-09-30T16:13:00.001+02:00

Dan comezo as clases deste novo curso. A Asociación convoca a todas as persoas interesadas a unha reunión que terá lugar o próximo sábado 2 de outubro no local do campo da festa ás 5 da tarde.

Na mesma informarase dos prezos e demais detalles das clases e tamén se fixarán os horarios de PANDEIRETA, BAILE e TAMBORIL.

Tamén convidamos ás participantes nas clases de pandeireta a traeren a mesma para interpretaren algunha peza. As persoas que veñan tamén poden traer os seus instrumentos.

O horario da clase de GAITA será todos os sábados ás 11:30 da mañá.

Anímate a tocar algún instrumento ou a bailar. Verás que non é tan difícil, e ademais vaste divertir.

fotos caixiña de mistos en ouzande

2010-09-30T16:01:00.000+02:00

estivo o 12 de setembro nas festas de ouzande, tarde de cinema inolvidable para peques (e maiores...)

fotos fervenza de músicas 2010

2010-09-30T15:45:00.000+02:00

Acórdaste que ben o pasamos?

a caixiña dos mistos en ouzande

2010-09-07T09:44:00.000+02:00

Para este domingo 12 de setembro temos preparada unha sesión de cinema infantil na CAIXIÑA DOS MISTOS. Trátase dunha caravana adaptada como sala de proxeccións na que se exhibirán diferentes peliculiñas dirixidas a rapaces e rapazas de 0 a 14 anos. A CAIXIÑA estará no Campo da Festa a partir das 6 da tarde, ata as 9 e media.
A CAIXIÑA DOS MISTOS é unha iniciativa de MrMISTO FILMS
Aí queda un video dunha canle de TV onde se informa sobre a actividade:

fervenza de músicas 2010

2010-09-05T18:46:00.004+02:00

A Asociación Cultural A Fervenza de Ouzande e a Xunta Parroquial presentan a terceira edición da FERVENZA DE MÚSICAS, III Foliada de Música Tradicional para estas Festas do Socorro. A cita musical terá lugar o próximo venres, 10 de setembro, a partir das 9 da noite no Campo da Festa de Ouzande, A Estrada.

Os grupos convidados son:

A Requinta da Laxeira (Sarandón)
Os Xeitosos de Trazo
Regato de Matamulleres (Callobre)
Gharatuzas (Santiago)
Retrouso (Ouzande)

O campo estará cuberto cunha carpa e haberá posto de polbo e Churrasco.
Anímate e participa. Podes traer os teus instrumentos. A festa remata cando ti queiras.
Temos estas fermosas camisolas á venda na Taberna de Ouzande e no Café A Farola da Estrada. Tamén estarán á venda na Foliada.

fotos mago toño en ouzande 2010

2010-08-23T20:26:00.002+02:00

volveu o mago toño a ouzande o pasado 8 de agosto

un día no muiño

2010-08-23T20:09:00.001+02:00

desta volta, fomos pasar o día ao muíño do rubio

fotos lumeiro 2010

2010-08-23T19:53:00.001+02:00

As imaxes da noite máxica. Auga de flores, home do saco ao lume, chourizos, festa, lume...

fin de curso clases 2010

2010-08-23T19:26:00.003+02:00

Aí quedan as fotos da festa de fin de curso que celebramos o día 19 de xuño e tamén unhas fotos do "ensaio xeral" (5 de xuño), no que nos xuntamos os participantes nas clases de música e baile deste curso 2009-2010

fotos roteiro castro de arcos 2010

2010-08-23T19:21:00.002+02:00

Levamos varias actividades sen actualizar as fotografías. Comezamos. Aí quedan as da ruta do Castro de Arcos que se celebrou o pasado 13 de xuño

mago toño en ouzande

2010-08-03T15:33:00.003+02:00

O domingo 8 de agosto de 2010 ás 19:30, e como peche ás festas patronais de Ouzande, actuación do gran MAGO TOÑO no local social do campo da festa de Ouzande.
Non o perdas.

festa no muíño

2010-07-29T15:26:00.004+02:00

Este ano houbo que pórlle lentes de sol ao moucho, porque a festa facémola de día.
O sábado 31 de xullo, a partir das 2 da tarde no muíño do rubio. Só hai que levar o xantar e ganas de festa.
Se non sabes o camiño, pregunta na Taberna de Ouzande

lumeiro 2010

2010-06-22T15:50:00.001+02:00

O próximo 23 de xuño, mércores, terá lugar o lumeiro no campo da festa de Ouzande. Como todos os anos, darémoslle a benvida ao verán arredor da fogueira. Faremos festa co grupo Retrouso e pódese levar algún instrumento para animar. Teremos á venda pan e chourizos que poderá asar cada un nas brasas da fogueira, con espetos de loureiro. E ao final saltaremos por riba do lume. Se queres, podes traer algún recipiente para levares a auga de flores para a casa.
Como sempre, haberá algunha sorpresiña..., ¿onde andará o home do saco? Se aparece, poderemos escribir nun papel o que queiramos queimar con el...
Ah! Os nenos e as nenas están invitados a vir a partir das 6 da tarde... os maiores esperade que chegue a noite...

foliada finde2010

2010-06-19T10:36:00.001+02:00

hoxe foliada en ouzande

imos andar. roteiro do castro de arcos

2010-06-09T13:56:00.001+02:00

Hora de saída: 10.00 da mañá, diante da igrexa de Ouzande. Chegada sobre as 13:30 ao mesmo sitio. Percorrido de 11 km.
LUGARES DE INTERESE: no camiño habémonos atopar cos seguintes puntos de interese:
-Castro de Arcos. Fermoso promontorio, coas trazas de castro, pero que está sen escavar. Desde o alto. obsérvanse fermosas panorámicas do Val da Anllada e do monte Xesteiras, pero tamén de Terra de Montes, A Ulla e Terras de Santiago. Recoméndase levar prismáticos, pois mesmo se chega a ver a Ría desde o alto.
-Aldea de Ferreiros. Pertence ao concello de Cuntis, aínda que históricamente sempre existiu unha grande relación entre os seus habitantes e os veciños de Ouzande.
-Camiño dos lobos. Para chegarmos á aldea de Ferreiros utilizaremos antigas sendas que eran utilizadas polos veciños de ambas parroquias, e sobre as que aínda hoxe se escoitan moitas historias de lobos.
- Fonte do Redondo. Xa de volta faremos unha parada no fermoso contorno da Fonte do Redondo, en Ouzande, onde a auga abrolla directamente desde o chan.

actividades xuño 2010

2010-06-06T17:53:00.003+02:00

Aí queda un avance das actividades para ir pechando a primavera...

fotos excursión verín 2010

2010-06-02T12:37:00.001+02:00

Aí quedan as imaxes da nosa viaxe a Verín, o pasado domingo 30 de maio. Castelos, historia, auga, calor..., e moita camaradería

V ruta das letras, fotos

2010-05-28T10:17:00.005+02:00

Fotos da ruta deste ano, celebrada o 16 de maio. Andamos, falamos e fomos cos nosos libros para casa, cedidos por Edicións Xerais.

Quedan tamén as imaxes do percorrido que fixemos. Debémosllas a Carmela, socia da Fervenza, e que traballa en Etnoga, coa cal colaboramos.

Aínda lle demos...

ramón verea, inventor estradense

2010-05-28T10:03:00.002+02:00

Aí quedan as imaxes da magnífica charla de Olimpio Arca sobre o inventor estradense Ramón Verea. Tamén podedes ver a exposición que temos no local sobre Uxío Novoneyra

V ruta das letras

2010-05-12T00:59:00.002+02:00

letras 2010

2010-05-10T16:46:00.002+02:00

noelia bouzón gaiteira

2010-05-04T16:00:00.003+02:00

Aí queda a entrevista coa nosa gaiteira no último Capicúa

fotos roteiro dos carreiros de ouzande

2010-05-01T20:50:00.002+02:00

Aí quedan as fotos dun fermoso paseo polos carreiros de Ouzande

ruta dos carreiros de ouzande

2010-04-28T11:00:00.002+02:00

falan de nós

2010-04-16T19:23:00.002+02:00

Reportaxe sobre A Fervenza de Ouzande en Capicúa (publicación gratuíta da Estrada)

mamasunción, segunda sesión

2010-03-30T11:57:00.001+02:00

O domingo pasado, día 28, repuxemos Mamasunción e Mamasunción volve ao correo. Aí quedan unhas fotos

imaxes de mamasunción

2010-03-22T11:48:00.003+01:00

Aí quedan unhas fotos da presentación de Mamasunción volve ao correo, de Rochi e Xoque Carbajal, sobre Mamasunción de Chano Piñeiro, que tamén a puidemos ver...

O PRÓXIMO DOMINGO REPETIMOS.
O día 28 ás 5 e media da tarde repoñemos esta sesión de cinema, pois houbo bastantes persoas que non puideron asistir. E se che gustou moito, podes repetir...

mamasunción

2010-03-12T12:39:00.003+01:00

TARDE DE CINE EN OUZANDE

MAMASUNCIÓN VOLVE Ó CORREO

Proxección do documental realizado polo ouzandés Xoque Carbajal e Francisco Rozados "Rochi" no XXV aniversario de MAMASUNCIÓN de Chano Piñeiro, que tamén se proxectará no transcurso do acto.
Contaremos coa presenza dos autores da obra.

Domingo 21 de marzo ás 6 da tarde. Local Social de Ouzande

Máis información sobre o documental aquí

carreiros 8

2010-03-01T23:23:00.004+01:00

Foi con algo de retraso, pero xa temos o novo CARREIROS. É para ti
Aí quedan unhas imaxes da presentación, o domingo 28 de febreiro, e unha reseña dos contidos. Que o disfrutes.

A AC A Fervenza de Ouzande publica o oitavo número da sua revista de difusión socio-cultural, CARREIROS, que se edita a toda cor. Os temas son os seguintes:
Neste número continuamos a serie, iniciada en números anteriores dedicada á investigación sobre os emigrantes ouzandeses noutras latitudes, baixo o título “Memoria da emigración”. Neste caso inclúese un artigo sobre Manolo de Chedas, emigrante en Sao Paulo, Brasil. (O artigo basease nunha entrevista gravada e realizada por Manuel de Cabanas, emigrante e “correspondente” de Carreiros na diáspora)
Crónica da viaxe do grupo de música Retrouso a Bretaña.
Creación literaria: Poemas de Manuel Cabanas, emigrante ouzandés no Brasil, e do estradense Senén Campos Maceiras.
Premio San Martiño de Normalización Lingüística. Discurso na entrega do premio.
Casas de Ouzande. Neste número iniciamos unha serie, que continuará en edicións próximas, sobre casas senlleiras da parroquia. Comezamos coa casa do cura.
Tamén encetamos outra serie, baixo o epígrafe: Os nomes de Ouzande, onde repasaremos a toponimia da parroquia.

Outras seccións:
Editorial
Memoria Fotográfica
Crónica de actividades, onde se recolle un resume das actividades levadas a cabo pola Asociación en 2009.

O consello de redaccion está formado por:
Laura Rosende Torres
Noelia Bouzón Docampo
Manuel Rosende Torres
Xabier Camba Sanmartín e
Rosa Herraiz Cabanas, encargada do deseño e maquetación

Realizouse unha tiraxe de 300 exemplares.
A revista pode adquirirse nos seguintes establecementos:
Taberna de Ouzande
Café A Farola
Libraría Alberte Quiñoi
Bar A Caldesiña
Se estás lonxe e queres ter CARREIROS ponte en contacto con nós: carreirosouzande@gmail.com

festa das clases de música e baile

2010-03-01T11:42:00.002+01:00

O pasado sábado xuntámonos e fixemos festa...
Velaí

presentación de carreiros 8

2010-02-25T17:05:00.003+01:00

CARREIROS Á MERENDA

O domingo 28 de febreiro ás 6 da tarde, no local de Ouzande terá lugar a presentación do nº 8 da revista Carreiros, publicada pola Asociación.

O acto consistirá na presentación do novo Carreiros, e na proxección de imaxes e videos sobre a mesma.

Tamén se proxectará a video reportaxe A INAUGURACIÓN DAS BEIRARRÚAS DE OUZANDE, que tivo lugar o pasado sábado de Antroido

A revista consta das seccions habituais:

Editorial
Colaboracións
Memória fotográfica
Memoria da Emigración (III)
Creación Literaria
Crónica de actividades

Ás que se suman dúas novas seccións que terán continuidade en próximos números:

Historias de casas (artigos sobre casas senlleiras da parroquia)
Os nomes de Ouzande (artigos sobre a toponimia da parroquia)

REMATAREMOS COMPARTINDO UNHA RICA MERENDA

as coplas das beirarrúas 2010

2010-02-23T22:29:00.001+01:00

Aí quedan as coplas do antroido deste ano

antroido 2010 en imaxes

2010-02-21T18:08:00.003+01:00

Aí queda a reportaxe da inauguración das beirarrúas de Ouzande, que tivo lugar o Sábado de Antroido de 2010 (se non ves ben a imaxe ao largo, pica nela para entrares no youtube e vela completa)

E mais unhas fotos da comparsa pola parroquia...

... e da festa no local

antroido 2010

2010-02-10T17:18:00.008+01:00

SÁBADO DE ANTROIDO
Sábado 13 de febreiro 2010
A partir das 16:45 da tarde concentración de disfraces no Campo da Festa. A continuación, a unha carroza percorrerá os lugares da parroquia acompañando aos cegos do Antroido que, un ano máis recitarán as súas coplas, que non esquecerán os acontecementos da parroquia nin tampouco a actualidade en xeral. Non faltarán a música nin as cancións.

Horario aproximado:
17:15 da tarde: saída do campo
17:30: O Tallo
18:00:. O Castro
18:15: O Picoto e o Redondo
18:35: Alemparte e O Formigueiro
19:00: O Topete
19:15: Igrexa

E como remate a partir das 19:30 da tarde, merenda e gran festa de disfraces no local social. Música, animación e degustación dos produtos típicos do antroido. A AC A Fervenza de Ouzande convida a todos os veciños e veciñas de Ouzande, e da Estrada en xeral a participar da festa e da diversión neste Antroido. Se queres vir preparar e adornar o tractor que nos servirá de carroza, quedamos ese día (sábado 13, ás 11 da mañá no campo)

RAPACES E RAPAZAS DE OUZANDE!
NON QUEDEDES NA CASA NO ANTROIDO
E VIDE COS VOSOS DISFRACES
A PASALO BEN E DIVERTIRSE MOITO

video a fervenza 2009

2010-02-10T12:22:00.002+01:00

Aí quedan as mellores imaxes das actividades do 2009 que proxectamos na Asemblea Anual. O documental está dividido en tres partes para que o poidas ver mellor. Foi realizado por Manuel de Topete

primeira parte

segunda parte

terceira parte

Xunta xeral

2010-02-09T21:11:00.007+01:00

O domingo 7 de febreiro de 2010 celebrouse a Xunta Xeral Anual da Asociación na que os acordos máis importantes foron:
1. Renovación da Xunta Directiva. Elixiuse por unanimidade a seguinte Xunta:

Presidente: Xabier Camba Sanmartín
Vicepresidenta: Natalia Carbajal Porto
Secretario: Manuel Rosende Torres
Tesoureira: Rosa Herraiz Cabanas
Vogais:
Julio Porto Paramá
Mariluz Rodríguez Pazos
Manuel Bouzón Fernández
Loli Camba Cabanas
Manuel Porto Gestoso
Laura Rosende Torres
Xabier Adán Ayude Sánchez
Noelia Bouzón Docampo
Alexandre Ayude Sánchez
Cristina Riveira Porto

Tamén se aprobou unha suba nas cotas da asociación, acordada por unanimidade. Así as novas cotas son:

Infantil (até os 16 anos): 3 euros
Estudante: 5 euros
Normal: 8 euros

Deuse conta da memoria económica e de actividades e disfrutamos dun video coas mellores imaxes de 2009.
Para rematar tomamos chocolate quente con biscoito.

Aí quedan as fotos

xunta xeral anual

2010-02-06T12:40:00.001+01:00

CONVOCATORIA DE XUNTA XERAL ANUAL

Convócase a todos os socios e socias á Xunta Xeral anual da Asociación Cultural A Fervenza de Ouzande, que terá lugar o domingo 7 de febreiro ás 5:30 da tarde no local social do campo da festa de Ouzande. A orde do día será a seguinte:

Informe de xestión.
Informe de actividades(con proxección de fotografías e videos)
Informe económico.
Elección de Xunta Directiva.
Programación anual.
Rogos e preguntas.

Ao rematar a reunión a asociación convida á merenda con chocolate quente e biscoito.

En Ouzande, A Estrada, febreiro de 2010.

PD.
1. É moi importante aistir á reunión para que entre todos colaboremos na boa marcha da asociación, e na proposta e organización de actividades. Recorda que a Asociación somos todos e todas.

2. Na taberna de Ouzande están a disposición de todos os socios e socias os recibos da cota anual correspondente a este ano, e os pendentes do ano anterior (para os socios/as que non pagaron aínda). Recorda que para a organización das actividades é moi necesario dispoñer dos recursos económicos que xeramos

fin de ano 09

2010-01-02T18:28:00.002+01:00

pasámolo ben preparando a festa..., e pasámolo ben na festa

fin de ano

2009-12-29T11:29:00.001+01:00

noelia no garcía barbón

2009-12-29T11:26:00.000+01:00

noelia bouzón

2009-12-19T13:10:00.006+01:00

estamos orgullos@s de ti
isto é un adianto

trompos a bailar 09

2009-12-04T17:48:00.002+01:00

Aí queda un video da tarde de trompos en Ouzande

trompos e castañas

2009-12-04T10:13:00.004+01:00

ventou e alustrou
choveu todo o que quixo, pola tarde e pola noite
pero aínda nos xuntamos bastantes valentes

festadoutono 09

2009-11-24T11:06:00.003+01:00

trompos e castañas

O día 28 de novembro tarde de xogos e festa no Campo da Festa de Ouzande.

A partir das 16:30, gran CAMPIONATO DE TROMPOS para todas as idades. Haberá zona de principiantes.

Ás 19:30, castañas asadas, chourizos, pan e viño novo para todos e todas, e de balde, porque celebramos o Premio San Martiño. Festa e música con Retrouso. Podes traer instrumentos musicais para sumarte á festa.