![](https://blogger.googleusercontent.com/img/b/R29vZ2xl/AVvXsEjhSgRzTnhDNXYiggg-sEumfPVX_5awbGR0eah-4m7VaRH9l8iMvR6vCBgBIJce4q6t0eXEolKHP1jCEazqfZZSrzxTb190Z1rcpfnm6uZBb6VGurqDk97Kchug875qBFLED-zxwcXbtg5e/s400/lumeiro+2010+xs.jpg)
O próximo 23 de xuño, mércores, terá lugar o lumeiro no campo da festa de Ouzande. Como todos os anos, darémoslle a benvida ao verán arredor da fogueira. Faremos festa co grupo Retrouso e pódese levar algún instrumento para animar. Teremos á venda pan e chourizos que poderá asar cada un nas brasas da fogueira, con espetos de loureiro. E ao final saltaremos por riba do lume. Se queres, podes traer algún recipiente para levares a auga de flores para a casa.
Como sempre, haberá algunha sorpresiña..., ¿onde andará o home do saco? Se aparece, poderemos escribir nun papel o que queiramos queimar con el...
Ah! Os nenos e as nenas están invitados a vir a partir das 6 da tarde... os maiores esperade que chegue a noite...