feliz 2012

Todo preparado

fin de ano 2011

FIN DE ANO 2011

fotos ruta de nadal 2011

aí quedan as fotos da ruta ao castro de arcos, o día 25 de decembro de 2011

II Ruta de Nadal

Atréveste outra vez?

A Fervenza de Ouzande no MOME

O 17 de decembro de 2011 presentamos o documental ANDAR CARREIROS. DEZ ANOS DE FERVENZA DE OUZANDE no MOME da Estrada. Abrimos tamén unha exposición sobre os dez anos da Asociación que se pechou o día 22. Aí quedan as fotos

a fervenza de ouzande no mome

Despois da súa estrea no local social de Ouzande, o pasado 27 de novembro no que estivo presente a madriña da asociación, Paula Carballeira, a AC A Fervenza de Ouzande presenta na vila da Estrada o documental ANDAR CARREIROS. DEZ ANOS DA FERVENZA DE OUZANDE. O acto terá lugar o próximo sábado 17 de decembro a partir das 20:00 horas no MOME (Museo do Moble da Madeira da Estrada, á beira de Protección Civil). Esta actividade dará inicio a unha semana da Fervenza de Ouzande no MOME, na que teremos instalada a exposición “Dez anos a andar carreiros” que resume a traxectoria da asociación, realizada con paneis, carteis das actividades, proxeccións e a revista Carreiros, así como outros materiais editados pola entidade. A mostra poderá ser visitada desde o propio sábado 17 pola mañá. O horario de visitas á exposición será: Do sábado 17 de decembro ao xoves 22 de decembro Mañás: De 11:00 a 13:30 Tardes: De 17:30 a 20:30 O DVD co documental xa se pode adquirir na Taberna de Ouzande ou na Libraría Alberte Quiñoi da Estrada

fotos curso de poda 2011

Aí quedan as mellores imaxes do curso de poda organizado pola asociación. A fase teórica tivo lugar os días 26 de novembro e tres de decembro. A práctica realizámola, na finca da Casa do Cereiro, os días 4 e 10 de decembro de 2011. E para rematar como é debido, merenda e tertulia no local o día 10.

estrea documental ANDAR CARREIROS. DEZ ANOS DA FERVENZA DE OUZANDE

Aí quedan as fotos dun día inesquecible. O 27 de novembro de 2011 presentamos o documental que resume os dez primeiros anos da nosa historia. O local abarrotado. Moitas emocións e aplausos. E Paula Carballeira aceptou ser a nosa madriña.

presentación andar carreiros

O próximo 27 de novembro de 2011 a AC A Fervenza de Ouzande vai celebrar o acto central dos dez anos da súa historia desde a súa fundación no ano 2001. O acto consistirá na estrea do documental ANDAR CARREIROS. DEZ ANOS DE FERVENZA DE OUZANDE. Así mesmo, contaremos coa participación da actriz, escritora e contacontos Paula Carballeira que será a madriña do evento. A actividade dará comezo ás 18:00 horas e terá lugar no local social de Ouzande, sito no Campo da Festa. Ao rematar a proxección, todas as persoas asistentes poderán compartir unha merenda á que convida a Asociación. Este acto, aínda que é aberto ao público en xeral, está pensado especialmente para os socios e socias da Fervenza de Ouzande, así como para os veciños e veciñas da parroquia.

De feito, o próximo 16 de decembro realizarase unha presentación e proxección do documental no Museo do Moble da Estrada (MOME) á que se covidará a todo o tecido asociativo, institucións e público en xeral.

comezo curso de poda

O próximo sábado, día 27 de novembro comeza o curso de poda. Seguirá os días 3 e dez de decembro.

fotos festadoutono 2011

Castañas, viño, chourizo, festa, fútbol, de todo..., o pasado 12 de novembro

inicio clases 2011-2012

Este ano con novidades. Temos clases de acordeón!!

fervenza de músicas, fotos

Moita festa e animación hna IV Fervenza de Músicas o pasado 9 de setembro

unha noite no muiño 2011, fotos

Fomos pasar outra noite no muiño inolvidable o pasado 27 de agosto

Mago José Rivera, fotos

Nas festas de Ouzande, maxia no local a cargo do Mago José Rivera

as trincadeiras 2011

Sesión dupla de cine. O Espírito das Trincadeiras de Seném Outeiro o 25 de xuño en Ouzande

Lumeiro 2011, fotos

Fotos da festa do lumeiro deste ano

excursión noia-muros-ézaro, fotos

O 29 de maio fomos á Ría de Muros e Noia

concerto dez x dez, fotos

Aí quedan as fotos de Narf e The Homens celebrado o 10 de xuño, para comezar a celebrar os 10 anos...

festa de outono 2011

Sábado 12 de novembro.A partir das 7 da tarde no Campo da Festa de Ouzande. Celebramos a festa das castañas asadas en Ouzande. Haberá castañas e viño novo, de balde para todos os asistentes. Tamén teremos un servizo de bar con chourizos asados a prezo módico para completar a festa. Non faltará a música cos compoñentes de Retrouso. Convidamos a todos a traer os seus instrumentos para participar da festa. NO TRANSCURSO DA FESTA PROXECTAREMOS NO LOCAL AS IMAXES DO TORNEO DE FÚTBOL TRIANGULAR MIXTO CELEBRADO NA FESTA DO SOCORRO DO PASADO SENTEMBRO

curso de poda

Vai chegando o tempo da poda e dende a Asociación ofrecémosche a posibilidade de adquirir coñecementos básicos para faceres este labor como é debido. O noso veciño, José Loureiro, impartirá un curso no Local do campo da festa que incluirá unha fase teórica (tratamentos, abonos, poda, enxertos...) e unha fase práctica de poda. Os contidos e datas do curso presentaránse nunha reunión informativa este sábado día 5 de novembro ás 7 da tarde no Local de Ouzande. Se estás interesado/a convidámoste a participar nesta reunión, na que te poderás inscribir para o curso, que comezará o sábado 26 de novembro.

VI Ruta das letras, fotos

Fotos atrasadas...
O 17 de maio fomos andar, falar e ler.

horarios das clases de música. bailas? 2011-12

Os horarios definitivos serán:
Sabados pola mañá
11:00 ACORDEÓN
12:00 PERCUSIÓN E GAITA

Sábados pola tarde
16:00 PANDEIRETA PERFECCIONAMENTO
17:00 BAILE
18:00 PANDEIRETA INICIACIÓN

As persoas interesadas nalgún dos cursos poden achegarse ao local social de Ouzande no horario arriba indicado. As clases comezarán o próximo sábado 8 de outubro. Hai algunhas prazas libres.

bailas? cursos de música 2011-2012

CURSOS DE MÚSICA E BAILE TRADICIONAL ACORDEÓN, GAITA, BAILE, PANDEIRETA E TAMBORIL AC A FERVENZA DE OUZANDE Dan comezo as clases deste novo curso. A Asociación convoca a todas as persoas interesadas a unha reunión que terá lugar o próximo sábado 1 de outubro no local do campo da festa ás 16:30 da tarde. Novidade importante: Este ano teremos clases de ACORDEÓN, ademais das clases de GAITA, PERCUSIÓN, BAILE E PANDEIRETA. Na reunión informarase dos prezos e demais detalles das clases e tamén se fixarán os horarios de PANDEIRETA, BAILE que terán lugar os sábados pola tarde, e das clases de ACORDEÓN, GAITA E TAMBORIL, que se celebrarán os sábados pola mañá. Tamén convidamos ás persoas participantes nas diferentes clases e a todas as interesadas a traeren os seus instrumentos para interpretaren algunha peza e facer algo de festa. Para rematar a reunión a Asociación convida a uns pinchos de merenda.

IV FERVENZA DE MÚSICAS

A partir das 21:30 da noite do 9 de setembro de 2011 no Campo da Festa de Ouzande, A Estrada. Compartiremos festa cos grupos Retrouso (Ouzande) Os Xeitosos de Trazo Gharatuzas (Santiago) Reviravolta (O Pino) Faíscas da Pontraga (Tordoia) Haberá polbo e churrasco, servizo de bar, venda de camisolas do X aniversario da asociación, e toda a festa que queiras. Campo cuberto.

unha noite no muíño 2011

Un ano máis imos pasar unha noite no muíño do Rubio, na Fervenza de Ouzande.
Este sábado, 27 de agosto, a partir das 10 da noite, velada de sorpresas e festa. Só tés que levar a cea nun cesto e unha lanterna para o camiño. Se queres, algún instrumento musical tamén. Tamén podes vir co traxe para a ocasión...

Unha noite no muíño,
unha noite non é nada...

maxia nas festas patronais de ouzande

O próximo domingo 14 de agosto peche máxico para as festas de Ouzande. Actuación do mago ourensán José Rivera a partir das 19:30 no local social de Ouzande. Máis información sobre o ilusionista picando aquí.

E para comezar ditas festas, este venres 12, interesante velada de música tradicional con RETROUSO, REGATO DE MATAMULLERES E BERROS DO CASTRO. Polbo, churrasco e moita festa!

o espírito das trincadeiras, estrea en Ouzande

O filme, escrito e dirixido por Seném Outeiro, narra a loita que no ano 1990 o pobo de Goián desenvolveu na defensa do monte comunal das Trincadeiras que pretendía ser expropiado pola empresa que construía a autopista Vigo-Porriño. O pobo de Goián opúxose e despois conquerir con moito esforzo a súa vitoria celebrou anualmente unha festa de exaltación das Trincadeiras coma movemento veciñal e coma posta en valor dos espazos comunais.

“A cinta é unha homenaxe á vontade coleitiva, unha historia cargada de emotividade e reflexión sobre a importancia da memoria histórica coma alicerce do ser social”
Seném Outeiro

A actividade terá lugar o próximo día 25 de xuño no Local Social de Ouzande.
Realizaranse dous pases, o primeiro ás 19:30 e o segundo ás 21:30. Contaremos coa presenza do autor do documental

actividades xuño 2011

Aí está

músicas x (dez)

VENRES 10 DE XUÑO DE 2011
CAMPO DA FESTA DE OUZANDE
OUZANDE, A ESTRADA
Concerto de NARF e THE HOMENS para celebrar o décimo aniversario da AC A Fervenza de OUzande.
Servizo de bar e bocatas.
Venda de camisolas conmemorativas.
DEZ X DEZ. Proxección das cen mellores imaxes de dez anos de actividades.
Boa música e diversión no Campo da Festa de Ouzande

VI Ruta das Letras

VI RUTA DAS LETRAS
ANDAMOS E FALAMOS
O próximo martes 17 de maio, a AC A Fervenza de Ouzande continuará co seu programa de rutas a pé, IMOS ANDAR coa cuarta Ruta das Letras. Este ano percorreremos o Roteiro das Lagoas de Zoo, cuxas características detallamos máis abaixo. Convidamos a todos os estradenses especialmente a esta ruta, porque ademais do seu interese paisaxístico e ambiental, a asociación agasallará a todos e todas as participantes cun libro, para celebrar o Día das Letras Galegas. O libro será entregado ao final da ruta a todos e todas os participantes. Para esta iniciativa contamos coa inestimable colaboración da editora Biblos Clube de Lectores.

Hora de saída: 09:45, diante da igrexa de Ouzande. Chegada sobre as 13:30 ao mesmo sitio.

fotos ruta dos carreiros de ouzande 2011

Aí quedan as imaxes da primeira ruta do ano polos carreiros de ouzande que fixemos o pasado domingo 8 de maio. Prepararse para a próxima, a VI Ruta das letras o 17

roteiro dos carreiros de ouzande 2011

Sábado 1 de maio. DOMINGO 8 DE MAIO. Ruta dos carreiros de Ouzande. Percorreremos os diferentes carreiros polo monte e os diferentes lugares de Ouzande, incluíndo a Fervenza e os muíños. Hora de saída: 10 da mañá, diante da igrexa de Ouzande. Chegada sobre as 13:00

concerto BANDA BROA no local de Ouzande

aí quedan unhas imaxes do magnífico concerto de Banda Broa o primeiro de maio do 2011 no local social de Ouzande

fotos do antroido 2011

este ano celebramos o Antroido cantando as coplas dos cegos na Taberna e logo cunha gran festa no local noviño... Foi o 5 de marzo de 2011 e as coplas...

imaxes da inauguración do novo local no palco vello

o 26 de xaneiro de 2011 os veciños e veciñas de ouzande inauguramos o local novo no palco vello

fotos asemblea anual 2011

despois dun tempiño de retraso aí van as fotos da xunta xeral anual da asociación que celebramos o 27 de xaneiro deste 2011

BANDA BROA o primeiro de maio de ouzande

Un dos grupos máis alimenticios para o oído. Música con miolo.

Ingredientes:
-Base forneada de acordeón de Santiago (Marcos Varela, profesor de gaita nas clases da Fervenza de Ouzande)
-Moitos Qilos de percusión amiense (Xosé Tuñas)
-Unha cantidade xenerosa de bonito saxofón de Burela (Roberto Bouça)
-Unha dose perfecta de gaita da Estrada (Noe Bouzón, gaiteira ouzandesa)
-Varias culleradas de voz dóce de Touro (Madi Martínez)

Preparación:
Móese todo en calquera muíño dos nosos ríos, mestúrase nun quinteto inspirado na música tradicional con reminiscencias de banda de música pasando por orquesta de sesión vermú, cócese nun forno de leña de carballo e sírvese en quente.

DOMINGO 1 DE MAIO DE 2011
LOCAL SOCIAL DE OUZANDE
19:00 H
DE BALDE

RAPACES E RAPAZAS DE OUZANDE!
NON QUEDEDES NA CASA NO ANTROIDO
E VIDE COS VOSOS DISFRACES
A PASALO BEN E DIVERTIRSE MOITO

Sábado 5 de marzo de 2011
A partir das 6 e media da tarde concentración de disfraces no Campo da Festa. Seguirá unha gran festa antroideira no campo da festa e no Local Social. Haberá merenda a base de produtos típicos de antroido moita música e festa. NON FALTARÁN Á SÚA CITA OS CEGOS DO ANTROIDO QUE RECITARÁN AS SÚAS COPLAS, NAS QUE NON ESQUECERÁN ÁS NOVAS MÁIS IMPORTANTES DA PARROQUIA E DO MUNDO MUNDIAL.

Este ano deixamos descansar o tractor e quedamos no campo da festa. Non faltes!!!!


A AC A Fervenza de Ouzande convida a todos os veciños e veciñas de Ouzande a celebrar o antroido na nosa parroquia.

local novo no palco vello

Estás convidado
Estás convidada

xunta xeral anual 201

fotos presentación malas cartas de manuel pereira

Aí quedan as imaxes da presentación celebrada no MOME da Estrada, ao estar en obras o local de Ouzande, o pasado 4 de xaneiro de 2011