Fotos X Ruta das Letras en Ouzande

O pasado 17 de maio tivo lugar a décima edición da Ruta das letras organizada pola asociación. Na actividade participaron 20 persoas, cumprindo o percorrido anunciado no horario previsto. Mañá case de verán que permitiu un camiño levadeiro a traves das fermosas paraxes que albergaba o roteiro. No medio da ruta, o emigrante ouzandés no Brasil, Manolo de Cabanas, e participante na actividade, recitou un poema da súa composición en homenaxe dos montes e paisaxes ouzandesas. Ao final do percorrido, a organización agasallou a todos os participantes cun libro na nosa lingua.


Este foi o texto que leu Manolo de Cabanas

X Ruta das Letras. Ruta dos carreiros do monte e as lagoas.

X RUTA DAS LETRAS

O Día das Letras Galegas ANDAMOS E FALAMOS.

A Fervenza de Ouzande continúa co programa “Imos andar”, coa Ruta  das Letras que chega á súa décima edición. Nesta ocasión realizaremos a "ruta dos carreiros dos montes e as lagoas".

Será o domingo 17 de maio, con saída ás 10 da mañá e regreso ás 13:30 (Igrexa de Ouzande) Ao final do roteiro, todas as persoas participantes serán agasalladas cun libro en galego en conmemoración do Día das Letras.

PERCORRIDO: Ouzande, subida ao monte e regreso. 12 km.

DIFICULTADE: baixa

                                                        

DURACIÓN: 3 h 30 min

MATERIAL: é preciso levar roupa cómoda (chándal, botas de montaña...), tendo en conta a predicción metereolóxica.

LUGARES DE INTERESE:

Lagoas de Zoo: Nesta saída habemos achegarnos ao alto do monte do lugar de Zoo, xa no Concello de Cuntis, a un lugar no que de invernos se forman lagoas de auga doce grazas ao efecto da choiva e á escasa drenaxe do solo.

Espazos naturais e paisaxe: A ruta combina espazos naturais autóctonos con zonas moi deterioradas polo efecto do home nas que se fixeron grandes plantacións de eucaliptos mesmo en zonas de humedais e turbeiras de grande valor ecolóxico. Tamén, recentemente, foron instalados varios muiños de vento, cuxas obras provocaron certo impacto na contorna e o deterioro de algunhas paraxes. Apreciaremos a diferencia na vexetación en función da altura, posto que na zona das lagoas esta é propia de monte alto, fronte aos bosques que temos na saída de Ouzande.

Encoro da Estrada: Pasaremos pola beira do antigo encoro que abastecía de auga á vila da Estrada, convertido hoxe en día nunha lagoa na que destaca a vexetación propia de ribeira así como a presenza dalgunhas aves migratorias nalgunhas épocas do ano.

Monte Cabalar: baixaremos atravesando a zona ocupada pola cooperativa Monte Cabalar, na aba sur do Monte Pedroso, o que nos permitirá disfrutar do excelente estado en que sen conserva o monte, así como contemplar os rabaños de cabras e mandas de cabalos e vacas en liberdade.

Mapa da ruta

Suspendida a ruta do Río Gallo por causa do mal tempo.

O mal tempo co que amenceu o primeiro de maio pasado obrigou a suspender a ruta preparada polo Río Gallo. Aínda así, un pequeno grupo de sendeiristas acudiu á cita con puntualidade, para acabar dando un bo paseo de 8 km polos montes de Ouzande e A Somoza.