AS FOTOS DA FESTA DOUTONO DA FERVENZA DE OUZANDE

 Non queremos rematar o ano sen publicar as mellores fotos da FESTA DOUTONO DA ASOCIACIÓN. Castañas asadas, xogos, moita música con Retrouso e Decotío, e sobre todo moita diversión e convivencia.

Picando na imaxe podes ver máis fotos:

 

ASÍ FOI A RUTA DE OUTONO DA FERVENZA DE OUZANDE 2025

 Un animoso e nutrido grupo de 25 persoas respondeu á convocatoria da Fervenza de Ouzande.

Unha mañá solleira e de agradable temperatura recibiu aos camiñantes que completaron os 12 km de roteiro, no tempo establecido.

Gozaron, coma sempre nas rutas da Fervenza de Ouzande, da paisaxe e da conversa e quedaron citados para a próxima ruta da asocidación, o 25 de decembro, día de Nadal.

 

Picando na imaxe poderás ver as mellores fotos da ruta. 

FESTA DOUTONO 2025 EN OUZANDE

A partir das 8 da noite no local social do campo da festa de Ouzande.

 

Música a cargo das agrupacións musicais Retrouso de Ouzande e Decotío. Convídase aos asistentes a traer os seus instrumentos para facer foliada.

Haberá castañas asadas e viño novo de balde para todos e todas as asistentes.

Tamén haberá servizo de bar con chourizos asados e bebidas a prezos económicos. Tamén haberá xogos populares para os asistentes.

VOLVE A RUTA DOUTONO Á PROGRAMACIÓN DA FERVENZA DE OUZANDE. IMOS ANDAR.

 

Dámoslle a benvida ao outono andando e falando

 

RUTA A CASTRORRAMIRO

 

A AC A Fervenza de Ouzande recupera a Ruta Doutono dentro da súa programación de roteiros pola contorna IMOS ANDAR. ANDAMOS E FALAMOS.

 

A ruta terá lugar o vindeiro domingo, 12 de outubro e terá como destino o lugar de Castrorramiro na veciña parroque de Somoza.

A saída será ás 9:30 da mañá e regreso ás 13:0 (Igrexa de Ouzande) 

A actividade é gratuíta e poden participar todas as persoas que o desexen, socias ou non socias.

PERCORRIDO:12 km.

DIFICULTADE: baixa

MATERIAL: é preciso levar roupa cómoda (chándal, botas de montaña...), tendo en conta a predición metereolóxica.

A actividade só se suspenderá en caso de que as condicións climatolóxicas impidan completamente o desenvolvemento da mesma. 

LUGARES DE INTERESE: no noso percorrido habémonos atopar cos seguintes puntos de interese:

- No transcurso da ruta atravesaremos varias masas de bosque autóctono con abundantes carballeiras, castiñeiros, acivros, e vexetación de ribeira, á beira dos numerosos regatos que cruzaremos no percorrido. Trátase dun dos percorridos da nosa contorna onde se conserva mellor a flora autóctona, de grande fermosura neste inicio de outono.

-Lugar de Castrorramiro. Fermoso lugar da parroquia da Somoza, que conserva numerosas costrucións tradicionais e a estrutura de pequeno núcleo rural con ruelas, eiras e fermosos recunchos.

-Pozo da Freixa ou Fírvida. Contorna con muíños e unha fervenza, ademais dun pozo de considarables dimensións para facer un descanso.

-Contorno de muíños da Fervenza de Ouzande.

 

 mapa da ruta a castrorramiro

 

HORARIOS E PROFESORADO PARA AS CLASES DE MÚSICA E BAILE TRADICIONAL EN OUZANDE. CURSO 2O25-2026

HORARIOS DAS CLASES DE MÚSICA E BAILE TRADICIONAL EN OUZANDE 2025-2026

MÉRCORES

 

CANTO TRADICIONAL

19:45 a 20:45

Profesor: ANTÓN CALVO

Inicio: 1 de outubro

VENRES

 

PERCUSIÓN (tamboril/bombo)

19:30 a 20:30

Profesor: RAMÓN MARIL

Inicio: 3 de outubro

GAITA (Iniciación)

20:30 a 21:30

Profesor: RAMÓN MARIL

Inicio: 3 de outubro

SÁBADOS

 

PERCUSIÓN (Perfeccionamento)

18:30 a 20:00

Profesora: RAMÓN MARIL

Inicio: 4 de outubro

GAITA (Perfeccionamento)

20:00 a 22.00

Profesora: RAMÓN MARIL

Inicio: 4 de outubro

 

PANDEIRETA (Iniciación)

17:00 a 18:30

Profesora: SILVIA MARTÍNEZ

Inicio: 11 de outubro

 

PANDEIRETA (Perfeccionamento)

18:00 a 19:30

Profesora: SILVIA MARTÍNTEZ

Inicio: 11 de outubro

BAILE TRADICIONAL

19:30 a 21:00

Profesora: SILVIA MARTÍNEZ

Inicio: 11 de outubro

 Xa podes inscribirte nas clases de música tradicional da Fervenza de Ouzande. As disciplinas son: GAITA, PERCUSIÓN, PANDEIRETA, BAILE E CANTO TRADICIONAL. 

Dá igual o nivel que teñas, na Fervenza de Ouzande temos un sitio para ti. As clases comezarán nas datas e horas que se indican. Achégate para informarte ou anotarte.

Máis información en:

carreirosouzande@gmail.com

https://www.facebook.com/afervenza.deouzande

@fervenzadeouzande

 

BAILAS? CLASES DE MÚSICA E BAILE TRADICIONAL EN OUZANDE. CURSO 2025-2026

 

Xa podes inscribirte nas clases de música tradicional da Fervenza de Ouzande. As disciplinas serán: GAITA, PERCUSIÓN, PANDEIRETA, BAILE E CANTO TRADICIONAL. 

 

Dá igual o nivel que teñas, na Fervenzade Ouzande temos un sitio para ti. As clases comezarán no mes de outubro. Máis información en:

carreirosouzande@gmail.com

https://www.facebook.com/afervenza.deouzande

@fervenzadeouzande 

 

ASÍ FOI A FOLIADA FIN DE CURSO 2025 EN OUZANDE

 A Fervenza de Ouzande pechou un novo curso de música e baile tradicional en Ouzande. Todos os grupos das disciplinas impartidas foron mostrando os seus progresos nun ambiente festivo.

As clases de pandeireta, gaita, percusión, baile e canto foron desfilando diante dun público animoso e entregado. Despois dunha merenda de confraternidade, a festa continuou cunha animada foliada onde os grupos se mesturaron para cantar, tocar e bailar ata a madrugada. 

O ano que ven máis. As mellores fotos picando na imaxe:

 

FOLIADA FIN DE CURSO 2025

 

Este sábado, 21de xuño, a partir das 20 horas, no campo da festa de Ouzande, terá lugar o peche festivo das clases de música, baile e canto tradicional correspondente ao presente curso 2024-2025,  que incluíron as disciplinas de gaita, percusión, canto, pandeireta e baile tradicional. Unhas 30 persoas acudiron á súa cita semanal nestas modalidades.

O evento do próximo sábado iniciarase coas actuacións do alumnado a fin de  mostrar a súa progresión nas diferentes disciplinas das clases.

 Convidamos tamén a que as persoas que o desexen traian os seus instrumentos e ganas de pasalo ben para continuar coa festa.

Haberá servizo de bar.

A FERVENZA DE OUZANDE EN ALLARIZ. CRÓNICA E IMAXES

 

 40 persoas de todas as idades participaron nunha nova edición da excursión anual da Fervenza de Ouzande que ven levando adiante a iniciativa dende  2002. Precisamente o destino deste ano era o mesmo que o da primeira edición co engadido da visita  matinal Santa Mariña de Augas Santas.

A expedición ouzandesa foi recibida polo guía de Xeitura, que foi o encargado de facer un interesantísimo percorrido guiado pola aldea onde se sitúa a impresionante igrexa románica de Santa Mariña que tamén visitaron.

A seguir completaron o roteiro que os levou á cibdá de Armea, un enclave galaico romano, que non hai moitos anos que está musealizado e é visitable. No camiño fixeron paradas en diferentes lugare de interese como o asento da santa, o forno da santa (unha antiga sauna prerromana), ou as pioucas da santa.

Este percorrido, que ocupou toda a mañá sorprendeu fixo as delicias de todos e todas as asistentes.

O xantar campestre tivo lugar na praia fluvial de Acearrica, perto do casco urbano de Allariz. Despois dun descanso o grupo realizou a planeada visita ao fermoso núcleo urbano medieval de Allariz, subindo mesmo ao monte do Castelo.

Para rematar, visitarom o rechamante Festival de Xardíns de Allariz, nas beiras do río Arnoia.

Felices e contentos regresaron a Ouzande na hora prevista.

 

Picando na imaxe poderás ver as mellores fotos: