O pasado venres, 18 de setembro, máis de 70 persoas ateigaron o local social de Ouzande para acompañar a Rosa de Cabanas, na presentación do seu primeiro libro, 12 mulleres sen rostro, publicado pola Editorial Galaxia.
No acto, conversaron coa autora, o representante da editora, Xesús Domínguez e a actriz, escritora e narradora oral, a nosa querida Paula Carballeira.
O acto estivo cheo de cariño e emotividade e rematou cunha merenda de convivencia para todas as persoas asistentes.
O grupo de música tradicional da Asociación, Retrouso, puxo o acompañamento musical ao evento.
Picando na imaxe poden verse as mellores fotos da presentación.
Ningún comentario:
Publicar un comentario