Música a cargo das agrupacións musicais Retrouso de Ouzande e Decotío. Convídase aos asistentes a traer os seus instrumentos para facer foliada.
O mércores 7 de outubro comeza un novo curso de canto, impartido por Antón Calvo.
Temos un sitio para ti, achégate o mércores ás 19.45, ou envíanos unha mensaxe a carreirosouzande@gmail.com ou a través das nosas redes sociais.
Búscanos e ven!!!
Aí tés os horarios, profesorado e data de inicio:
O pasado venres, 18 de setembro, máis de 70 persoas ateigaron o local social de Ouzande para acompañar a Rosa de Cabanas, na presentación do seu primeiro libro, 12 mulleres sen rostro, publicado pola Editorial Galaxia.
No acto, conversaron coa autora, o representante da editora, Xesús Domínguez e a actriz, escritora e narradora oral, a nosa querida Paula Carballeira.
O acto estivo cheo de cariño e emotividade e rematou cunha merenda de convivencia para todas as persoas asistentes.
O grupo de música tradicional da Asociación, Retrouso, puxo o acompañamento musical ao evento.
Picando na imaxe poden verse as mellores fotos da presentación.
O sábado 20 de xuño, a partir das 20 horas, no campo da festa de Ouzande, tivo lugar o peche festivo das clases de música, baile e canto tradicional correspondente ao presente curso 2025-2026, que incluíron as disciplinas de gaita, percusión, canto, pandeireta e baile tradicional.
O evento iniciouse coas actuacións do alumnado a fin de mostrar a súa progresión nas diferentes disciplinas das clases, ás que asistiron regularmente máis de trinta e cinco persoas durante todo o curso.
Os máis de 60 asistentes compartiron unha merenda de convivencia e unha foliada que puxo remate á celebración.
Podes ver as mellores fotos da festa picando nesta imaxe:
Un grupo formado por 55 excursionistas participou un ano máis na excursión anual da Fervenza de Ouzande o pasado domingo, 7 de xuño.
Este sábado, 20 de xuño, a partir das 20 horas, no campo da festa de Ouzande, terá lugar o peche festivo das clases de música, baile e canto tradicional correspondente ao presente curso 2025-2026, que incluíron as disciplinas de gaita, percusión, canto, pandeireta e baile tradicional. Máis de 30 persoas acudiron á súa cita semanal nestas modalidades.
O evento do próximo sábado iniciarase coas actuacións do alumnado a fin de mostrar a súa progresión nas diferentes disciplinas das clases.
Convidamos tamén a que as persoas que o desexen traian os seus instrumentos e ganas de pasalo ben para continuar coa festa.
Haberá servizo de bar.
Estás convidada
Estás convidado
.jpeg)
EXCURSIÓN Á ENSEADA DE SAN SIMÓN( Illa de San Simón, Centro de Interpretación da Batalla de Rande, Pontesampaio, Salinas do Ulló)
Domingo 7 de xuño de 2026
Programa:
9.00. Saída (Igrexa de Ouzande)
Parada Café
Barco a San Simón dende o porto de Cesantes
Visita guiada Illa de San Simón
Visita Museo da Batalla de Rande (ao pé da Ponte de Rande)
Xantar en Pontesampaio
Visita paseo polas Salinas de Ulló
21: Chegada a Ouzande
25 euros para persoas socias
15 euros para persoas socias menores de 18 anos
30 euros para persoas non socias de calquera idade
Cada persoa debe levar a súa propia comida
Inscricións
enviando correo a carreirosouzande@gmail.com
na Taberna de Ouzande: 986570285
Recomendamos levar roupa e calzado cómodo e estar atentos/as ás predicións metereolóxicas.
En caso de chuvia, comeremos a cuberto.
Tocamos, cantamos, bailamos e pasámolo ben xunto as outras agrupacións coas que compartimos a festa.
Moitas grazas a Regatos por nos convidar e seguimos nas festas!!!
Na tarde de onte, a AC A Fervenza de Ouzande celbrou a súa Xunta Xeral Anual. Trátase da primeira encabezada por Noelia Bouzón, que foi elixida presidenta da asociación na anterior asemblea, no ano 2025.
1. Informe de xestión e actividades. Proxección de imaxes resumindo o ano 2025.
2. Previsión de ingresos e gastos para o ano 2026
3. Programación anual.
5. Rogos e preguntas.
Ao rematar a reunión a asociación convida á merenda con chocolate quente e rosca.
En Ouzande, A Estrada, marzo de 2026
Na reunión estarán xa a disposición de todos os socios e socias os recibos da cota anual deste ano. Despois da reunión quedarán a disposición de socios e socias na Taberna de Ouzande.
Entre todos e todas facemos a asociación. Non faltes!
Estamos á túa disposición no correo: carreirosouzande@gmail.com
Se non desexas seguir sendo socio/a envía un correo a:
Moito amor e moitas ganas de pasalo ben entre os asistentes á festa do entroido. AMOUR en Ouzande
Picando na imaxe poderás ver as mellores fotos do evento:
Un fermoso día de Nadal acolleu aos valentes camiñantes que se atreveron coa proposta. Gozaron coa natureza e coa conversa, quedando emprazados para a seguinte.
Aí quedan unhas fotos.
A AC A Fervenza de Ouzande programa a 14ª edición da Ruta de Nadal na que se realizará a subida ao
Castro de Arcos, no veciño concello de Cuntis.
A Asociación convida a pasar a mañá do día de Nadal dun xeito diferente.
Gozaremos da paisaxe, da natureza e da conversa amigable, e seguro que tamén
servirá para alixeirar a copiosa cea de Noiteboa.
Xoves 25 de decembro de 2025
Hora de saída: 09:30, diante da Igrexa de Ouzande.
Chegada sobre as 13:15 ao mesmo sitio.
12 km de percorrido, dificultade media baixa.
Recoméndase levar calzado cómodo e impermeable.
A ruta só se suspenderá se as condicións meteorolóxicas impiden a súa
realización.
A actividade é gratuíta e poden participar todas as persoas que o desexen,
socias ou non socias.
LUGARES DE INTERESE: no noso percorrido habémonos atopar cos seguintes puntos
de interese:
Castro de Arcos. Sito no Concello de Cuntis. Fermoso promontorio, coas
trazas
de castro, pero que está sen escavar. Desde o alto. obsérvanse fermosas
panorámicas do Val da Anllada e do monte Xesteiras. Recoméndase levar
prismáticos, pois mesmo se chega a ver a Ría desde o alto. O castro está
en moi boas condicións de accesibilidade cos camiños limpos e constitúe
un destino sendeirista perfecto.
Encoro da Estrada: Descenderemos pola beira do antigo encoro que abastecía de
auga á vila da Estrada, convertido hoxe en día nunha lagoa na que destaca a vexetación
propia de ribeira así como a presenza dalgunhas aves migratorias nalgunhas
épocas do ano.
Espazos naturais e paisaxe: A ruta combina espazos naturais autóctonos de moito valor con
zonas moi deterioradas polo efecto humano nas que se fixeron grandes
plantacións de eucaliptos mesmo en zonas de humedais e turbeiras de gran valor
ecolóxico. Tamén, recentemente, foron instalados varios muíños de vento, cuxas
obras provocaron certo impacto na contorna e o deterioro de algunhas paraxes.
Non queremos rematar o ano sen publicar as mellores fotos da FESTA DOUTONO DA ASOCIACIÓN. Castañas asadas, xogos, moita música con Retrouso e Decotío, e sobre todo moita diversión e convivencia.
Picando na imaxe podes ver máis fotos:
Un animoso e nutrido grupo de 25 persoas respondeu á convocatoria da Fervenza de Ouzande.
