imaxes da 1ª edición dos cantos de taberna da Estrada

O pasado sábado o Grupo Retrouso, acompañado do Orfeón Recanto, participou na primeira edición da actividade organizada polos bares da Zona dos Viños da Estrada e pola AC Regatos. Nunha mañá na que o tempo acompañou, unha decena de grupos chegados de diferentes puntos da zona animaron as rúas estradenses e os bares da zona. A actividade tivo unha exquisita organización e a festa prolongouse ata altas horas da noite.

Retrouso e mais Recanto de Ouzande nos CANTOS DE TABERNA DA ESTRADA

O próximo sábado, 22 de marzo terá lugar a primeira edición dos CANTOS DE TABERNA DA ESTRADA organizados polos Bares da Zona dos Viños e pola AC Regatos. Retrouso, ben acompañado polo grupo de cancións Recanto, participará na festa da que vos deixamos o cartel anunciador. Estás convidado/a

 

Cartel cos horarios e bares

O noso agradecento aos amigos de REGATOS polo convite.

Imaxes do Antroido 2014 en Ouzande

As mellores imaxes do Antroido 2014. O pasado 1 de marzo, o OUZANDE FASION WEEK trouxo aos famosos e famosas á parroquia. Desfile e Fotocol. As catiuscas e as batas foron tendencia. As cegas cantaron as súas coplas e festa e merenda para todos.

coplas das cegas 2014

cambios na programación do antroido 2014

Por causa das condicións metereolóxicas previstas para o día de hoxe, queda suspendida a caravana antroideira en tractor pola parroquia. A partir das 7 da tarde  merenda e gran festa de disfraces no local social. Pase de modelos, PHOTOCALL DE FAMOSEO, DJ´S..... e moita festa. Merenda de antroido para recuperar forzas, e todo de balde e para todos e todas. NON FALTES

antroido 2014. OUZANDE FAXION WEEK

A semana da MODA EN OUZANDE. Hai que irse preparando porque este antroido a parroquia ponse de etiqueta: top model, príncipes e raíñas, famoseo, drags queens, paparazzis, seguratas, e a tendencia deste ano: as KATIUSKAS... Así que, se tés ganas de participar, asiste á reunión do próximo sábado 22 de febreiro ás 5 da tarde no local social do campo da festa: podes traer ideas, disfraces, complementos, instrumentos... ESTÁN CONVIDADOS ESPECIALMENTE TODOS OS RAPACES E RAPAZAS DA PARROQUIA. Ademais imos facer unha gran pancarta para engalanar a pasarela-tractor que percorrerá a parroquia o sábado de Antroido(día 1 DE MARZO) anunciando tan sinalado evento. 

Sabado 1 de marzo de 2014

A partir das 16:30 da tarde concentración de disfraces no Campo da Festa. A continuación, o escenario-tractor OUZANDE FAXION WEEK percorrerá os lugares da parroquia. Non faltarán as cegas do Antroido que, un ano máis recitarán as súas coplas, que non esquecerán os acontecementos da parroquia nin tampouco a actualidade en xeral. 

Horario aproximado: 17:00 da tarde: saída do campo 17:10: O Tallo 18:00:. O Castro 18:15: O Picoto e o Redondo 18:35: Alemparte e O Formigueiro 19:00: O Topete 19:15: Igrexa 

E como remate a partir das 19:30 da tarde, merenda e gran festa de disfraces no local social. Pase de modelos, PHOTO CALL DE FAMOSEO, DJ´S..... e moita festa. Merenda de antroido para recuperar forzas, e todo de balde e para todos e todas Se queres vir preparar e adornar o tractor que nos servirá de carroza, quedamos ese día (sábado 1, ás 10:30 da mañá no campo)

crónica xunta xeral anual 2013-14

Aí quedan as mellores imaxes e un resume do tratado na Xunta Xeral Anual da AC A Fervenza de Ouzande.


O pasado domingo, 16 de febreiro, tivo lugar a Xunta Xeral Anual da AC A Fervenza de Ouzande. Na mesma, con perto de 50 asistentes, fíxose balance da actividade do ano 2013, destancando a alta participación nas iniciativas levadas a cabo, superando en total os mais de 1200 participantes en 21 actividades. A directiva salientou os seguintes aspectos:
1. Implicación activa dos asociados
 -Alta porcentaxe de pagamento da cota anual.
-Participación nas actividades moi satisfactoria.
2. Mantemento de número de iniciativas socioculturais, superando a vintena.
3. Mantemento do número de persoas participantes, tanto socias como non socias, superando o millar. 4. Aposta por actividades innovadoras no contexto socio-cultural e na contorna como o obradoiro de Musicoterapia para maiores, de notable aceptación.
5. Notable repercusión e participación nos espectáculos promovidos pola asociación (teatro, música, maxia, etc.), atraendo a centos de persoas da parroquia e da contorna.
6. Mantemento das actividades de aire libre, rutas e excursión, e celebración do ciclo festivo anual, antroido, lumeiro, magosto...
7. Potenciación das Clases de música e baile tradicional. Aumento das persoas inscritas. Creación do grupo de cancións tradicionais RECANTO, formado por unha vintena de persoas, que conta con varias actuacións.
8. Colaboración con outras entidades da contorna. Visionaronse diferentes videos das actividades realizadas, que fixeron as delicias dos asistentes, antes de proceder a elexir a Xunta Directiva, para os dous anos vindeiros, que foi escollida por unanimidade.
Presidente.Xabier Camba Sanmartín,
Vicepresidenta. Natalia Carbajal Porto,
Secretario: Manuel Rosende Torres,
Tesoureira. Rosa Herraiz Cabanas
Vocal. Julio Porto Paramá
Vocal. María Dolores Camba Cabanas
Vocal. María Luz Rodríguez Pazos
Vocal. Manuel Ángel Bouzón Fernández.
Vocal. Noelia Bouzón Docampo
Vocal. Manuel Porto Gestoso.
Vocal. Cristina Riveira Porto.
Novos/as vocais
Laura Herraiz Cabanas
Carmen Ribadeo Piñeiro
Manuel Uzal Docampo
A reunión rematou cunha merenda de convivencia a base de chocolate con rosca.

video resume do ano 2013

Aí quedan as mellores imaxes do ano pasado. Que o desfrutes

ASEMBLEA ANUAL DA ASOCIACIÓN

CONVOCATORIA DE XUNTA XERAL ANUAL
A Asociación Cultural A Fervenza de Ouzande, convoca aos socios e socias a Xunta Xeral anual que terá lugar o domingo 16 de febreiro de 2014 ás 5:30 da tarde no local social do campo da festa de Ouzande. A orde do día será a seguinte:
1. Informe de xestión do ano 2013
Informe de actividades(con proxección de fotografías e vídeos)
Informe económico.
2. Elección de Xunta Directiva
3. Previsión de ingresos e gastos para o ano 2014
4. Programación anual.
5. Rogos e preguntas.

Ao rematar a reunión a asociación convida á merenda con chocolate quente e biscoito.

 

imaxe da asemblea do ano pasado

fin de ano 2013 en imaxes

Aínda que xa pasou algún tempo, aí quedan as mellores imaxes da pasada festa de fin de ano no local