luns, 2 de marzo de 2015
imaxes medievou antroido 15
O pasado 21 de febreiro celebramos o antroido en Ouzande co MedievOU. Aí quedan as mellores imaxes.
xoves, 19 de febreiro de 2015
mércores, 18 de febreiro de 2015
medievOu (re)
Este sábado non ha chover
E mantemos o mesmo programa:
E mantemos o mesmo programa:
Cabaleiros e damas da corte, labregos, meigas e bruxas, trobadores e xograresas, monxes e abadesas, taberneiras e borrachíns... Taberna Medieval con todos os produtos típicos do tempo. Gran Feirón Medieval. Presentación do Códice Clandestino, máis clandestino que nunca. Música en vivo con Retrouso (versión medievOU). Gran Xusta poética entre as Xograresas Cegas do Antroido.
NON O PODES PERDER
Sábado 21 de febreiro. Campo da Festa de Ouzande
16:30. Concentración de disfraces
17:00: Saída do Trator MedievOU para percorrer os lugares da parroquia.
18:30: Parada na Taberna de Ouzande
19:00: GRAN FESTA DE ANTROIDO MEDIEVAL NO CAMPO DA FESTA
sábado, 7 de febreiro de 2015
medievOU
Este ano o antroido de Ouzande é medievOU
Aí
ven o antroido, un ano máis. Nesta ocasión faremos unha viaxe pola
historia, ata a IDADE MEDIA, nin máis nin menos. O antroido deste
ano ven disfrazado de MEDIEVOU. Cabaleiros e damas da corte,
labregos, meigas e bruxas, trobadores e xograresas, monxes e
abadesas, taberneiras e borrachíns... Taberna Medieval con todos os produtos típicos do tempo. Gran Feirón Medieval. Presentación do Códice Clandestino, máis clandestino que nunca. Música en vivo con Retrouso (versión medievOU). Gran Xusta poética entre as Xograresas Cegas do Antroido.
NON O PODES PERDER
Sábado 14 de febreiro. Campo da Festa de Ouzande
16:30. Concentración de disfraces
17:00: Saída do Trator MedievOU para percorrer os lugares da parroquia.
18:30: Parada na Taberna de Ouzande
19:00: GRAN FESTA DE ANTROIDO MEDIEVAL NO CAMPO DA FESTA
Crónica Xunta Xeral Anual
Unhas 50 persoas responderon á convocatoria, no local social de Ouzande. Na reunión aprobouse o informe de xestión da Directiva do ano 2014, do que destacamos os seguintes aspectos:
1. Implicación activa dos asociados
-Alta porcentaxe de pagamento da cota anual.
-Aumento do número de persoas asociadas. (23 novos socios)
-Participación nas actividades moi satisfactoria. Tanto na cantidade como na implicación nas mesmas.
2. Mantemento de número de iniciativas socioculturais, sobre a vintena.
3. Mantemento do número de persoas participantes, tanto socias como non socias, superando o millar. Aumento de participantes nas rutas, ou outras actividades, como a festa doutono, fin de curso...
4. Aposta por actividades novas dentro da Asociación. Obradoiro de Tear. Charla sobre comercio de produtos ecolóxicos, etc. Amplíase o abano de destinatarios.
5. Programación trimestral. Primeira experiencia coa programación de Outono. Supuxo un éxito en canto ao número de actividades e a participación nas mesmas.
6. Mantemento das actividades de aire libre, rutas e excursión, e celebración do ciclo festivo anual, antroido, lumeiro, magosto... Aumento de participación nas mesmas.
7. Potenciación das Clases de música e baile tradicional. Aumento das persoas inscritas. Aumento de socios. Participación do grupo de cancións Recanto en iniciativas de fóra da parroqua: A Estrada, Callobre, S. André de Vea e Arzúa. Consolidación de Retrouso como un referente na música tradicional da comarca. 8. Colaboración con outras entidades da contorna. Callobre, S, André de Vea, etc.
Así mesmo, aprobouse a previsión para o presente 2015 que tratará de abordar os seguintes obxectivos:
1. Manter o nivel de actividades do ano pasado, procurando cumprir os obxectivos que se enunciaron no apartado anterior.
2. Preparación e publicación da revista Carreiros.
3. Dinamización da Ruta da Fervenza. Folletos, sinalización, etc. Continuación da recuperación do Muiño do Rubio. A reunión rematou cunha merenda de convivencia na que os participantes puideron disfrutar tamén dunha exposición dos traballos realizados polas asistentes ao Curso de Tear, que se levou a cabo nos últimos tres meses.
Aí quedan as mellores imaxes
1. Implicación activa dos asociados
-Alta porcentaxe de pagamento da cota anual.
-Aumento do número de persoas asociadas. (23 novos socios)
-Participación nas actividades moi satisfactoria. Tanto na cantidade como na implicación nas mesmas.
2. Mantemento de número de iniciativas socioculturais, sobre a vintena.
3. Mantemento do número de persoas participantes, tanto socias como non socias, superando o millar. Aumento de participantes nas rutas, ou outras actividades, como a festa doutono, fin de curso...
4. Aposta por actividades novas dentro da Asociación. Obradoiro de Tear. Charla sobre comercio de produtos ecolóxicos, etc. Amplíase o abano de destinatarios.
5. Programación trimestral. Primeira experiencia coa programación de Outono. Supuxo un éxito en canto ao número de actividades e a participación nas mesmas.
6. Mantemento das actividades de aire libre, rutas e excursión, e celebración do ciclo festivo anual, antroido, lumeiro, magosto... Aumento de participación nas mesmas.
7. Potenciación das Clases de música e baile tradicional. Aumento das persoas inscritas. Aumento de socios. Participación do grupo de cancións Recanto en iniciativas de fóra da parroqua: A Estrada, Callobre, S. André de Vea e Arzúa. Consolidación de Retrouso como un referente na música tradicional da comarca. 8. Colaboración con outras entidades da contorna. Callobre, S, André de Vea, etc.
Así mesmo, aprobouse a previsión para o presente 2015 que tratará de abordar os seguintes obxectivos:
1. Manter o nivel de actividades do ano pasado, procurando cumprir os obxectivos que se enunciaron no apartado anterior.
2. Preparación e publicación da revista Carreiros.
3. Dinamización da Ruta da Fervenza. Folletos, sinalización, etc. Continuación da recuperación do Muiño do Rubio. A reunión rematou cunha merenda de convivencia na que os participantes puideron disfrutar tamén dunha exposición dos traballos realizados polas asistentes ao Curso de Tear, que se levou a cabo nos últimos tres meses.
Aí quedan as mellores imaxes
venres, 30 de xaneiro de 2015
Convocatoria da Xunta Xeral Anual
CONVOCATORIA DE XUNTA XERAL ANUAL
Convócase a Xunta Xeral Ordinaria da Asociación Cultural A Fervenza de Ouzande, que terá lugar o domingo 1 de febreiro de 2015 ás 5 da tarde no local social do campo da festa de Ouzande. A orde do día será a seguinte:
1. Informe de xestión do ano 2014
Informe de actividades(con proxección de fotografías e vídeos)
Informe económico. Previsión de ingresos e gastos para o ano 2015
2. Programación anual.
3. Rogos e preguntas.
Ao rematar a reunión a asociación convida á merenda con chocolate quente e biscoito
No local haberá unha mostra dos traballos realizados no Curso de Tear, trapillo e ganchillo.
Os recibos da cota anual estarán a disposición dos asistentes.
Convócase a Xunta Xeral Ordinaria da Asociación Cultural A Fervenza de Ouzande, que terá lugar o domingo 1 de febreiro de 2015 ás 5 da tarde no local social do campo da festa de Ouzande. A orde do día será a seguinte:
1. Informe de xestión do ano 2014
Informe de actividades(con proxección de fotografías e vídeos)
Informe económico. Previsión de ingresos e gastos para o ano 2015
2. Programación anual.
3. Rogos e preguntas.
Ao rematar a reunión a asociación convida á merenda con chocolate quente e biscoito
No local haberá unha mostra dos traballos realizados no Curso de Tear, trapillo e ganchillo.
Os recibos da cota anual estarán a disposición dos asistentes.
Imaxe da Xunta do pasado ano
mércores, 31 de decembro de 2014
imaxes da V Feliz Ruta de Nadal
E PARA DESPEDIR O 2014 AS FOTOS E A CRÓNICA DA RUTA DO NADAL.
Un total de 25 persoas responderon á convocatoria desta 5ª edición da Ruta de Nadal que levou aos camiñantes ao Castro de Arcos, no veciño Concello de Cuntis. Unha magnífica mañá, máis propia de outono que de inverno, serviu de marco dunha marcha de 11 km que levou aos sendeiristas desde a Igrexa de Ouzande ata o citado Castro, volvendo de regreso polo antigo encoro da Estrada e polo contorno da Fervenza de Ouzande e muíños que lucía unha espectacular paisaxe de inverno.
De volta, a Asociación premiou aos asistentes cunha visita guiada á igrexa de Ouzande, unha das xoias do románico estradense do século XII.
venres, 19 de decembro de 2014
FELIZ RUTA DE NADAL EN OUZANDE
Atréveste? E xa van cinco...
O
próximo xoves 25 de decembro,
a AC A Fervenza de Ouzande inicia o co seu programa de Actividades do
Inverno coa convocatoria da QUINTA edición da Ruta de Nadal. Na
mesma percorreremos o Roteiro
do Castro de Arcos.
A
Asociación convida a
pasar a mañá do día de Nadal dun xeito diferente. Disfrutaremos da
paisaxe, da natureza e da conversa amigable, e seguro que tamén para
alixeirar a copiosa cea de Noiteboa.
A actividade é gratuíta.
Hora
de saída: 10:30, diante da igrexa de Ouzande. Chegada sobre as 13:30
ao mesmo sitio.
Recoméndase
levar calzado cómodo e impermeable.
DATOS
DA RUTA
Percorrido:
11 km
LUGARES
DE INTERESE:
no noso percorrido habémonos atopar cos seguintes puntos de
interese:
-Castro
de Arcos. Fermoso
promontorio, coas trazas de castro, pero que está sen escavar. Desde
o alto. obsérvanse fermosas panorámicas do Val da Anllada e do
monte Xesteiras. Recoméndase levar prismáticos, pois mesmo se chega
a ver a Ría desde o alto.
-Aldea
de Ferreiros. Pertence
ao concello de Cuntis, aínda que históricamente sempre existiu unha
grande relación entre os seus habitantes e os veciños de Ouzande.
-Congostra
dos lobos. Para
chegarmos á aldea de Ferreiros utilizaremos antigas sendas que eran
utilizadas polos veciños de ambas parroquias, e sobre as que aínda
hoxe se escoitan moitas historias de lobos.
-Fervenza
e muíños de Ouzande. Contorno de 7 muiños e un pozo.
No camiño de volta atravesaremos este contorno, que da nome á
asociación. É unha zona de especial beleza pola vexetación que
conserva numerosas especies autóctonas (varias carballeiras, bosque
de acivros, vexetación dos cursos fluviais, salgueiros,
ameneiros...).
Retrouso e Recanto nas Noites de Raíz en Callobre
Os nosos amigos e amigas de Regato de Matamulleres convidaron á primeira edición das Noites de Raíz de Callobre aos grupos Recanto e Retrouso de Ouzande. Alí estiveron o pasado sábado 13 de decembro.
Subscribirse a:
Publicacións (Atom)