mércores, 26 de abril de 2017

Retrouso e Recanto no Roteiro Teatral de Avelaíñas en Callobre

Tarde solleira e fermosa a do pasado 23 de abril para recibir os centos de visitantes que chegaron a Callobre para participar neste evento, chegados de Palas de Rei, Laxe, Touro e A Estrada.
Unha coidada organización na que colaboraron diversas entidades, ademais do grupo de Teatro do IES Antón Losada, Avelaíñas, ofreceu un paseo musical e literario polo coidado contorno da Fervenza e do Castro de Callobre.
O grupo Retrouso acompañou a un dos grupos de visistantes, amenizando a visita con varias pezas do seu repertorio. O outro dos grupos era acompañado polos compañeiros Os Regatos de Callobre. Mentres tanto, o grupo de cancións Recanto agardaba nun recuncho do Castro polo paso dos asistentes para interpretar as súas pezas cantadas. Todas as interpretacións teatrais e musicais recibiron o entusiasta aplauso do público.

Aí quedan as imaxes








sábado, 22 de abril de 2017

A Fervenza de Ouzande colabora co Roteiro Teatral e Musical do V Festival de Teatro Escolar da Estrada

Un ano máis os grupos de música da asociación, Retrouso e Recanto, participarán na actividade organizada pola aula de teatro Avelaíñas do IES Antón Losada Diéguez da Estrada. Aí queda o cartel da actividade, á que queremos convidarte:



As nosas gaiteiras máis novas xa están preparadas.


Retrouso e Recanto nos Cantos de Taberna da Estrada

O pasado 25 de marzo un grupo de 25 persoas participou nunha nova edición dos Cantos de Taberna da Estrada. Formaron parte de Retrouso e Recanto e tiveron ocasión de compartir a súa música con outros moitos grupos chegados de todo o país polas tabernas da Estrada. A festa rematou cunha comida de confraternidade na que tampouco faltou a música e o canto.


Picando na imaxe poderás ver máis fotos do evento:

https://goo.gl/photos/SKhKDVeJhfmjxCgN7

As imaxes do Antroido Ourovisión 2017

O pasado 25 de febreiro tivo lugar unha nova edición da festa do Antroido en Ouzande. Nesta ocasioón o local social engalanouse para recibir aos participantes no festival OUROVISIÓN 2017 que se celebraba na nosa parroquia. Un numeroso grupo de persoas de todas as idades achegouse convenientemente caracterizado e con moito ánimo festeiro para participar no evento. ABBA, Mocedades, Andres Dobarro, Remedios Amaya, Daniel Diges, Conchita Wurst... participaron nun improvisado concurso no que triunfou a gran Betty Misiego. Non faltou a música, a festa e a merenda. Tampouco quixeron faltar as cegas do antroido de Ouzande que, unha vez máis, recitaron con gran éxito as súas coplas.



Podes gozar das mellores imaxes de Ourovisión se picas na imaxe seguinte:

https://goo.gl/photos/yzFZB9p4H32W1mhQ8