martes, 30 de decembro de 2008

Benvido 2009

A partir da 01:00 da madrugada no local social de Ouzande. A asociación convida ás uvas do novo ano. E despois festa...

E do novo ano xa temos almanaque. Podelo conseguir na Taberna de Ouzande ou pedíndollo a algun/ha fervenciño/a

luns, 1 de decembro de 2008

carreiros 7

Por fin Carreiros 7. Queremos compartilo contigo. Bonito, bonito. E barato.

Neste número continuamos a serie, iniciada no número anterior dedicada á investigación sobre os emigrantes ouzandeses noutras latitudes, baixo o título “Memoria da emigración”. Neste caso inclúese un artigo sobre Florentino do Rubio, emigrante en Itapeva, Brasil. (O artigo basease nunha entrevista gravada e realizada por Manuel de Cabanas, emigrante e “correspondente” de Carreiros na diáspora)
Entrevista con Miguel Carbajal, xinete ouzandés campión de Raid e que proximamente competirá no Campionato do Mundo
Creación literaria: Poemas de Manuel Cabanas, emigrante ouzandés no Brasil, e do estradense Senén Campos Maceiras.
Entrevista con Lorena Nieves, astrónoma e compoñente de Retrouso, grupo da asociación
Reseña literaria: Días do Final, do ouzandés Manuel Pereira.
Outras seccións:
Cartas e colaboracións de lectores.
Memoria Fotográfica (de festa nos anos 60)
Crónica de actividades, onde se recolle un resume das actividades levadas a cabo pola Asociación neste último ano. (Cursos, festas tradicionais, xogos oulímpicos, etc.)

Realizouse unha tiraxe de 350 exemplares.
A revista pode adquirirse nos seguintes establecementos:
Taberna de Ouzande
Café A Farola
Argentinos Burguer
Libraría Alberte Quiñoi
Se estás lonxe e queres ter Carreiros contacta con nós carreirosouzande@gmail.com

Aí vos quedan as lembranzas do meu tempo de neno en ouzande, recitadas magnificamente por Manolo de Cabanas dende Brasil (por erro noso non se escoita o primeiro verso: Ouzande foi meu niño...)

xoves, 20 de novembro de 2008

presentación carreiros 7

Tarde de castañas e revistas.
Aí quedan as imaxes dunha celebración fermosa, emotiva e divertida.
Noelia tocou para pensarmos. Rimos con Florentino dende o Brasil. Emocionámonos con Manolo de Cabanas, desde o Brasil tamén.
Próximamente á venda (problemas de imprenta).

martes, 11 de novembro de 2008

carreiros+castañas


O próximo sábado, día 15 de novembro, celebraremos o outono coa chegada dun dos seus froitos máis prezados para nós. Xa chegou o CARREIROS (nº7) e queremos presentalo en sociedade. Como é tempo de castañas estaremos rodeados delas e mais poderemos ver imaxes dos protagonistas da revista, así como uns curiosos videos do noso colaborador en Sao Paulo, Manolo de Cabanas. Será as 19:15 da tarde no local social do Campo da Festa. E se queres in vendo a portada, pica na páxina de Manu

Tiñamos pensado, tamén, facer unha boa festa do magosto, pero decidimos suspendela a causa do pasamento, no día de hoxe, de Don Manuel, cura de Ouzande e socio fundador da Fervenza de Ouzande.
Rendémoslle desde aquí a nosa pequena homenaxe e queremos adicar ao seu recordo este novo número de CARREIROS.

venres, 17 de outubro de 2008

charlas sobre saúde


O Concello da Estrada organiza unha serie de charlas dentro do Programa Concello Saudable. A AC A Fervenza de Ouzande solicitou a súa celebración en Ouzande. Terán lugar no local do Campo da festa e os horarios e contidos serán:


Xoves 23 de outubro ás 8 e media da noite:

CLAVES PARA UNHA BOA SAÚDE

-Claves para unha boa saúde

-Hábitos saudables

-Sexualidade


Mércores 29 de outubro ás 8 e media da noite:

NUTRICIÓN SAUDABLE

-Saúde e nutrición doméstica

-Deseño de menús saudables

-Cociñado e conservación dos alimentos

-Alimentación dos nosos fillos e fillas


Xoves 30 de outubro ás 8 e media da noite:

PREVENCIÓN DE ACCIDENTES DOMÉSTICOS

-Prevención

-Primeiros auxilios

-Autoestima e autoconcepto


A asistencia é gratuíta. Recomendamos a participación nas mesmas polo enorme interese dos seus contidos.


martes, 7 de outubro de 2008

horario definitivo. bailas?


HORARIOS DOS CURSOS DE MÚSICA E BAILE TRADICIONAL

GAITA
Venres ás 21:30

PANDEIRETA
Veteranas
Sábados ás 16:00

Iniciación
Sábados ás 17:00

BAILE
Sábados ás 18:00

Aínda podes incorporarte, achegándote ao local social de Ouzande nos horarios indicados.

mércores, 1 de outubro de 2008

bailas?

CURSOS DE MÚSICA E BAILE TRADICIONAL CLASES DE GAITA, BAILE E PANDEIRETA

Dan comezo as clases deste novo curso. A Asociación convoca a todas as persoas interesadas a unha reunión que terá lugar o próximo sábado 4 de outubro no local do campo da festa ás 4 e media da tarde. Na mesma informarase dos prezos e demais detalles das clases e tamén se fixarán os horarios de PANDEIRETA e BAILE.

O horario da clase de GAITA será todos os venres ás 9:30 da noite.

Nesta reunión terá lugar unha actuación por parte do grupo de gaitas da Fervenza. Tamén convidamos ás participantes nas clases de pandeireta a traeren a mesma para interpretaren algunha peza. As persoas que veñan por primeira vez tamén poden traer a súa pandeireta, se a teñen.

Anímate a tocar algún instrumento ou a bailar. Verás que non é tan difícil, e ademais vas pasalo ben.

Podes inscribirte enviando un correo a carreirosouzande@gmail.com

mércores, 24 de setembro de 2008

retrouso no concurso de ponteareas 2008

Os nosos RETROUSO non defraudaron. Parabéns a Noe, Marcos, Alex e Antonio polo ben que o fixeron en Ponteareas. A verdade é que houbo moito nivel e que os que levaron os premios merecérono ben. Noraboa a todos, especialmente aos Chupacabras que gañaron.

mércores, 17 de setembro de 2008

xogos populares "OUlímpicos"

Alá foron os II xogos oulímpicos da nosa eira. Rematamos cunha divertida tarde de xogos tradicionais e populares. Aí quedan as imaxes do día.

fervenza de músicas

Que ben o pasamos. Temos que agradecerllo a Retrouso, O Regato de Matamulleres, Xa son faif e á Requinta da Laxeira, que nos fixeron bailar a base de ben.

xoves, 11 de setembro de 2008

xogos tradicionais e clausura OUlímpica

A Fervenza de Ouzande programa unha tarde de xogos para poñer remate ás Festas do Socorro. Comezarán a partir das 18:30, coa inscrición de todos interesados, que a continuación poderán practicar os diferentes xogos que estarán no campo da festa.
A tarde rematará coa cerimonia de clausura do ANO OULÏMPICO de Ouzande e cunha merenda para todos e todas as participantes.

Xogos:
Xogo da ra, Zancos ou chalancas, Chave, Aros, Petanca, Sacos, Trompos, Corda, Bólas, Chapas, Birlos celtas, Bolos do Soldón.

Hai xogos para todas as idades, maiores e pequenos.

venres, 5 de setembro de 2008

fervenza de músicas

Presentamos un novo proxecto musical: fervenza de músicas. Trátase dunha foliada de música tradicional e popular que terá lugar o próximo venres 12 de setembro no campo da festa de Ouzande, a partir das 10 da noite.
Os grupos convidados son

Retrouso (Ouzande)
Regato de Matamulleres (Callobre)
Xa son faif (Teo)
Requinta da Laxeira (Vedra)

Por suposto estás convidado/a a vir pasalo ben, e se queres trae algún instrumento que non hai hora para o remate da festa.
Teremos carro de polbo e churrasco, e o campo ben cuberto para estar ao enxoito.

mércores, 6 de agosto de 2008

II xogos OUlímpicos

O próximo domingo día 10 de agosto, nas Festas de San Lourenzo, a AC A Fervenza de Ouzande organiza os segundos “Xogos Oulímpicos”, a partir das 6 da tarde no Campo da Festa. A actividade destinada a público de todas as idades constará dos seguintes xogos e deportes:

Lanzamento de pluma.
Subida de augas mansas
Levantamento de carozos
Salto de Toupa
100 metros arrughados
Baloncegho
Xincarreta
Biciclentas

Horario:
18:00 Inscricións
18:30: Recibimento do Fachico Oulímpico e Desfile Oulímpico con todos os participantes
19:00. Probas Oulímpicas.
20: 45: Entrega de Medallas e agasallos.
21: 00. Exhibición ecuestre.



Non esquezas mercar a túa camiseta "oulímpica". Hainas na taberna de Ouzande e no café A farola. Modelos e talles variados, como se ve na foto.

luns, 14 de xullo de 2008

Retrouso en Callobre

Aí tes unhas fotos das probas e da actuación de Retrouso en Callobre.
Parabéns a Manu, Alfonso, Martín, Óscar, Antonio, César, Alex, Noelia e Carolina polo ben que o fixeron. E a Marcos, sempre.

domingo, 13 de xullo de 2008

Retrouso no 9º Folk de Callobre

Aí queda un anaco dunha das pezas que os nosos RETROUSO interpretaron no Festival de Callobre o venres 11 de xullo. Noraboa pola actuación, que non deixou a ninguén indiferente.

martes, 8 de xullo de 2008

fotos do lumeiro

Aí van as fotos do lumeiro.
Asamos chourizos con espetos de loureiro.
Fixemos o home do saco e queimamos todo o que quixemos queimar.
Saltamos a fogueira e lavámonos con auga de flores.

mércores, 18 de xuño de 2008

lumeiro


o 23 de xuño a partir das 22.00h, no campo da festa da festa de Ouzande
música e festa con Retrouso
chourizos na brasa da fogueira
e xa sabes, podes botar ao lume todo o malo que queiras queimar
... e mollarte con auga de flores

domingo, 15 de xuño de 2008

os bicos de paula

O sábado á tardiña, Paula Carballeira encheunos de bicos cos seus contos árabes, orientais, mesmo contos chinos. Sherezade resucitou nas súas vertixinosas historias de princesas feas e príncipes parvos.

En Ouzande fomos felices e emocionámonos con contos de paz, liberdade e amor..., como en Armenia.

Gracias, Paula.



venres, 6 de xuño de 2008

chuvia de contos con Paula Carballeira

O próximo sábado día 14 de xuño a AC A Fervenza de Ouzande presenta un espectáculo de contacontos a cargo da actriz e escritora Paula Carballeira.

A actividade terá lugar no Local Social do Campo da Festa de Ouzande e dará comezo ás 8 da tarde. A entrada será de balde.