Retrouso en Callobre

Aí tes unhas fotos das probas e da actuación de Retrouso en Callobre.
Parabéns a Manu, Alfonso, Martín, Óscar, Antonio, César, Alex, Noelia e Carolina polo ben que o fixeron. E a Marcos, sempre.

Retrouso no 9º Folk de Callobre

Aí queda un anaco dunha das pezas que os nosos RETROUSO interpretaron no Festival de Callobre o venres 11 de xullo. Noraboa pola actuación, que non deixou a ninguén indiferente.

fotos do lumeiro

Aí van as fotos do lumeiro.
Asamos chourizos con espetos de loureiro.
Fixemos o home do saco e queimamos todo o que quixemos queimar.
Saltamos a fogueira e lavámonos con auga de flores.

lumeiro

o 23 de xuño a partir das 22.00h, no campo da festa da festa de Ouzande

música e festa con Retrouso

chourizos na brasa da fogueira

e xa sabes, podes botar ao lume todo o malo que queiras queimar

... e mollarte con auga de flores

os bicos de paula

O sábado á tardiña, Paula Carballeira encheunos de bicos cos seus contos árabes, orientais, mesmo contos chinos. Sherezade resucitou nas súas vertixinosas historias de princesas feas e príncipes parvos.

En Ouzande fomos felices e emocionámonos con contos de paz, liberdade e amor..., como en Armenia.

Gracias, Paula.

chuvia de contos con Paula Carballeira

O próximo sábado día 14 de xuño a AC A Fervenza de Ouzande presenta un espectáculo de contacontos a cargo da actriz e escritora Paula Carballeira.

A actividade terá lugar no Local Social do Campo da Festa de Ouzande e dará comezo ás 8 da tarde. A entrada será de balde.

imaxes da viaxe a lugo

excursión ao lugo romano e rural

Como todos os anos por estas datas, dende hai sete anos, imos de excursión. Este ano temos un interesante programa que se centrará no lugo romano e rural.

Día: 1 de xuño de 2008
9:00 h. Saída da Taberna de Ouzande.
11:00. Visita a Santa Eulalia (Santa Baia, Santalla) de Bóveda. Monumento nacional. Templo de orixe romana, que conserva pinturas murais do século IV.
Ruta a pé: Nesta aldea existe unha fermosa ruta de 4 km,moi doada de andar, que poderán facer as persoas que o desexen. Levar calzado cómodo.
13:00. Visita Cidade de Lugo. Paseo pola Muralla romana.
14:00 Xantar á beira do río Miño
16:30. Visita aos restos do Lugo Romano: Casa dos Mosaicos, Exposición Lugo Romano, Centro Arqueolóxico, etc.
Na viaxe de regreso faremos unha parada en A Golada para visitar os seus famosos pendellos.

Prezos da viaxe. Para socios e socias:
8 euros(adultos)
3 euros(menores de 14 anos)
Gratis para menores de 6 anos.

Para o público en xeral: 12 euros.
Inscrición. Na taberna de Ouzande (986570285), ata o venres 30 de maio. Dispoñemos de 55 prazas. Así que a anotarse canto antes...

Xantar. Cada persoa/familia levará o xantar.

Recomendación importante. Levar calzado cómodo (nin tacóns, nin zapatos de “sola”). Tampouco estaría mal un pau, caxato, ou vara para apoiarse.

a ruta en imaxes

aí vos deixamos unhas imaxes da III Ruta das Letras. Se picades neste enlace poderedes ver tamén as fermosas fotos de Seném Outeiro
http://picasaweb.google.es/davidesenem/OuzandeMarcha17DeMaio2008